子華神60歲返老還童 青春bob頭陪蘇永康慶生年輕十年
廣告
啱啱9月正式登六的黃子華，多年來都keep住鋼條身形，本來已經逆齡生長，點睇都唔似60歲，日前，子華神為好友蘇永康慶祝53歲生日，更加剪咗個bob頭，還將頭髮染黑，睇落真係後生咗十年！青春返晒嚟！
撰文：東方新地
係人都知，黃子華同蘇永康老友鬼鬼，子華神同蘇康更同是9月生日，啱啱9月5日，過咗60歲生日嘅子華神，呢日就特別幫老友蘇永康 慶祝53歲生日，同場還有梁漢文夫婦同埋蘇永康一家。
子華神喺蘇康屋企陪契仔踢波
係人都知子華神勁錫契仔（蘇永康兒子）Jazz，原來同蘇康慶生前三日，子華神就喺蘇康屋企陪契仔踢波，當時仲邊踢邊同蘇康閒聊，佢話：「即係上堂成班細路喺度踢呀！」又問到「係咪要戴住口罩踢？唔係戴住口罩踢咁慘吓話。」蘇康仲答佢話唔知：「應該要！」之後，蘇康將踢波片上載到IG，仲留言寫話：「難得契爺有興趣陪Jazz踢波，大人細路都咁投入，贏輸冇乜所謂！感恩！」
18年蘇永康買入北角雲峰大廈做埋黃子華鄰居
18年蘇永康以2830萬買入北角雲峰大廈做埋黃子華鄰居，子華神探契仔真係行幾步就得！之前蘇康試過大爆黃子華染白頭髮嚇到Jazz爆喊，超搞笑！依家子華神剪咗個Bob 頭，返老還童，契仔Jazz就唔會唔認得佢啦！
