姜濤公審女網民後首回應事件向女事主道歉：多謝上天畀我經歷呢啲

姜濤公審女網民後首回應事件

MIRROR人氣王姜濤今日出席活動時首次就公審女網民一事開腔，當被問到有否就事件影響到心情時，姜濤就表示：「哦冇啊，都保持正常，希望可以做好嗰表演畀大家睇咗先。」姜濤表示事發後未有聯絡過事主：「我哋都希望可以搵佢、可以聯絡佢，但我暫時未有嘅。我都希望可以大家了解多啲，亦都希望佢可以了解我多啲。」姜濤指公司一直在尋找該名女網民，希望能夠透過公司與事主聯絡。

姜濤姜濤今日首次就事件開腔回應。 — 姜濤今日首次就事件開腔回應。（圖片來源：東方新地）

姜濤姜濤今日現身《12怪盜》互動體驗場，網民都指姜濤心廣體胖，睇嚟真係冇就事件影響到心情。 — 姜濤今日現身《12怪盜》互動體驗場，網民都指姜濤心廣體胖，睇嚟真係冇就事件影響到心情。（圖片來源：網上圖片）

姜濤網民姜濤仲要開埋樣！ — 姜濤早前開名反擊網民，仲要開埋樣！（圖片來源：IG@keung_show）

姜濤向女事主道歉感恩上天讓自己上一課

姜濤表示感恩上天讓自己上一課：「今年都上咗好多堂，所以好多謝上天畀我經歷呢一啲，亦都好希望自己經過呢件事成長多一啲」，亦表示想向女事主道歉：

自己發生呢件事，都好想同呢位女士講聲對唔住。確實我作為Artist，無論我哋有啲咩情緒，都唔應該係網上帶啲負面情緒俾大家，係我哋嘅職責，亦都想呼籲所有人都可以好似我哋散播正能量，唔好喺網上散播負能量。

姜濤望透過作品說話下決心刪社交平台

當被問到透過今次事件學到甚麼時，姜濤指：「好難三言兩語講清楚嘅。我覺得我希望以後用表演畀大家睇，都唔想解釋太多自己學到啲乜嘢。」此外，姜濤在年初叱咤《鏡中鏡》表演之後，曾經一度刪除所有社交平台，不過在不足半年時間就重返IG。姜濤就指經過今次事件會選擇再刪IG：「一直無呢個決心再Del返Social Media，今次襯呢件事就好似年頭咁Focus返多次。」

叱咤樂壇頒獎典禮姜濤因《鏡中鏡》獲得「專業推介．叱咤十大」的第四位。 — 姜濤年初因在叱咤表演水準而遭網民狂插。姜濤事後一度刪除所有Social Media閉關。（圖片來源：my903.com 商業電台）

姜濤拒絕Jer開車幫散心

早前Stanley出席活動時，指有就事件慰問姜濤，亦有send歌鼓勵佢，不過姜濤就指仲未有時間回覆Stanley：「我有聽啊，但我未覆佢，因為嗰段時間好少覆任何人。我知道隊友都有關心我，但我慣咗自己一個人去消化呢啲事。」另一隊友Jer亦曾提出會車姜濤去散心，不過姜濤就果斷拒絕：「（有冇興趣啊？）冇！因為我會暈車，所以無論佢地邊一個揸，我都會暈車。」

姜濤早前Stanley和Jer出席活動都有替姜濤解畫。 — 早前Stanley和Jer出席活動都有替姜濤解畫。（圖片來源：Youtube@Viu1 HK）

同場加映：AK回應爆Seed鬧Fans

近期除了有姜濤公審女粉絲一事引起網民熱議之外，MIRROR副隊長AK早前上傳了與緋聞女友麻利的大合照，令到部分粉絲在群組中揶揄AK不是單身，令本尊嬲爆大鬧指不滿粉絲干涉太多。AK今日亦有就事件作出回應：「我比較擔心我朋友嘅感受，佢冇啦啦俾人咁話，又影響到佢生活。你話我唔緊要，話我啲才藝唔好、表現唔好，都係我嘅問題，唔應該因為一啲你哋（粉絲）加插出嚟嘅幻想而影響到我朋友，我就覺得唔係幾好。」AK又指緋聞已經傳足成年，宜家先開聲，已經覺得自己已經算「沉得住氣」。