考有Feel｜姜濤被ERROR教壞玩義乳 又遭七師傅茅招打殘

文：東方新地｜圖：《考有Feel》截圖

今日22歲生日的姜濤，剛好ViuTV播出最後一集《考有Feel》，令姜糖可以安坐家中同姜B同賀生日。姜濤被七師傅玩殘後，再在「跌上活動」搞到滿頭肥皂泡，毫無偶包，一度扯白旗求饒的姜濤，話咁快回復鬥志。

姜濤伸手摸胸

姜濤對戰ERROR的阿Dee玩鬥快搶絲襪，茅躉王阿Dee早有準備，在衫內放了義乳，不過比賽前卻被姜濤發現有古怪，姜濤伸手去檢查又揸又摸，問個究竟﹗

阿Dee敵不過姜濤及主考官小儀的查問後回答：「我藏住母愛﹗係赤裸裸嘅母愛呀﹗」然後索性將收埋的義乳拎出嚟靠近姜濤，姜濤目不轉睛，不停傻笑。

小儀問阿Dee打算如何用義乳去出茅招令MIRROR輸？阿Dee話打算用義乳去引誘姜濤，隨即將義乳掉在地上大叫：「姜濤﹗你睇吓﹗」而姜B竟然中圈套出手去執起地上義乳，令全場發笑，阿Dee即笑：「都話佢鍾意啦﹗」大家大叫「姜濤又學壞喇﹗」爆笑連場﹗

《考有Feel》壓軸嘉賓七師傅

二十集的遊戲節目《考有Feel》到尾聲，最後兩集MIRROR重頭出擊，全隊齊人出戰，連主持Edan（呂爵安）都落場。ERROR四子除了搵來余逸思(Yoshi)及王頌茵(Kathy仔) 外，更邀請到七師傅任壓軸嘉賓。

《考有Feel》姜濤代表MIRROR對戰七師傅玩「瘋味雪條」。

主考官阮小儀以及兩位監考員呂爵安(Edan)、黃奕晨(Dixon)會透過各種刺激又過癮的遊戲，測試MIRROR、ERROR成員及一眾ViuTV女藝人的「五感」。七師傅和193代表ERROR，對戰姜濤及Anson Kong進行「瘋味雪條」比試。

七師傅對雪條「作法」

ERROR隊一如既往地想盡辦法出貓，今次他們於化妝間發現Dixon遺下的主持稿，於是偷偷把所有答案預先記起來，故此七師傅其實早就知道答案，所以她還未試食雪條已伸手想撳鐘作答，令懵然不知情的姜濤憑著一股傻勁與七師傅鬥快搶答，又向七師傅撒嬌兼求饒說：「七師傅我求吓你啦！」

可是七師傅沒有被姜濤電到，更整色整水，扮對住條雪條「作法」，而193等人更認真地叫大家唔好嘈住七師傅去「感應」，場面爆笑。最後七師傅當然能答中，令ERROR隊率先得分，首輪即落敗的姜濤則流露出挫敗的表情，大受打擊。

姜濤為獎金奮戰肥仔

《考有Feel》最後兩集加碼，兩隊每勝出一個回合就可獲得現金獎。於遊戲「跣上任務」中，ERROR隊的肥仔在滑潺潺的賽道上突破重圍到達終點，吹熄蠟燭即可勝出該回合。在旁觀戰的姜濤為了贏取獎金，竟然奮不顧身從場外撲向場內的肥仔，去幫隊友阻止肥仔完成任務。

姜濤玩到四腳朝天

面對姜濤的攻勢，肥仔用力把姜濤拉入場中，期間姜濤失平衡跣腳，頭髮沾滿肥皂泡，非常狼狽。該回合結束後，筋疲力盡的姜濤搞笑搶去ERROR隊自製的白旗表示投降，場面搞笑。

主考官小儀問姜濤緊張撲向肥仔的原因，姜濤認真地回答：「錢！」隨即被Dixon笑指：「你仲嫌賺唔夠呀？」姜濤聞後呆了半秒，再以招牌傻笑應對。