姚瑩瑩同湯盈盈享受親子樂！帶6歲囝囝睇Peppa Pig
撰文：東方新地 圖片：新傳媒圖片庫、姚瑩瑩IG
姚瑩瑩 開心媽咪
姚瑩瑩日前帶住6歲囝囝Evan同湯盈盈三母女一齊去欣賞人氣卡通《Peppa Pig Live! Peppa Pig’s Celebration》舞台劇嘅亞洲巡演香港站，怕醜仔Evan影相時都好緊張，相反媽咪姚瑩瑩好享受同囝囝親子樂，全程笑到四萬咁口，睇嚟仲興奮過囝囝咁喎！
雖然影相時都怕怕醜醜咁，但難得有機會同Peppa Pig合照，6歲嘅Evan都有輕輕咁伸出手仔，捉住Peppa Pig大手一齊留影，好有紀念價值！
姚瑩瑩 6歲兒子好生性
姚瑩瑩雖然不是女一，但當配角的她在無綫演出機會不斷﹐早前囝囝Evan陪瑩瑩拍《愛·回家》外景時，就坐定定做功課和温習﹐偶爾才拿媽媽的劇本八掛一下，以6歲的小男生來說，算乖巧又生性，相信瑩瑩一定覺得好安慰！
姚瑩瑩獨力養大6歲仔
回帶睇番2011年6月30日，瑩瑩在微博報喜po相宣布做媽媽。其實瑩瑩產子前，她的圈外男友不時會被傳媒拍到出現女方西貢寓所，不過兒子出世後鮮有露面。姚瑩瑩曾自爆與圈外男友生子、又曾在訪問中親認「小朋友爸爸還健在」，但六年多以來親子畫面從來少了爸爸，六年來姚瑩瑩都是靠自己捱大個仔。
自稱「虎媽」
姚瑩瑩自稱「虎媽」，自幼稚園已經為兒子每周報讀普通話、英文、數學、游水、音樂、畫畫學足六日，又因瑩瑩在新加坡長大廣東話欠佳，為容易同仔溝通，她頂硬上報國際學校捱貴學費。
年拍十劇捱出病
母兼父職的姚瑩瑩要應付龐大開支，所以未停過手工作，一年拍七套劇，近年更加全力搵銀，去年最高產拍足十套劇。賺錢緊要，試過Evan兩歲時因為特發性血小板減少性紫癜（簡稱ITP）入院，都要趕回廠拍《愛‧回家》，要搵工人姐姐代勞辦理入院，分身不暇。早年拍《廉政追擊》跌傷膝患復發、《全職沒女》腰痛延遲就醫又搞到尾龍骨第三節移位和軟組織突出，周身傷加上休息不足都要頂硬上！
再攰再忙 也抽時間親子
儘管爸爸鮮有現身，但姚瑩瑩絕對是廿四孝媽媽。本刊就曾拍得她見趁著好天氣帶家傭和6歲兒子Evan，山長水遠由西貢車到數碼港踩單車，不施脂粉的她把單車從車尾廂抬下，再孭住兩大袋推單車往目的地進發。6歲Evan年紀還小，快樂無憂踩上車時，完全不知媽媽的辛苦。
初出道時索爆
無綫早前重播嘅兩大經典劇《天地豪情》同《壹號皇庭V》都見到有瑩瑩的演出！當年25歲的姚瑩瑩經選美舊相識袁詠儀引薦入TVB，不夠兩年就被力捧欽點拍台慶劇《天地豪情》更同當家小生羅家良演一對，前途無可限量，之後她在《壹號皇庭V》演輕度智障的靚女，劇中先後同吳啟華、林保怡演情侶，戲份不多但搶鏡。20年後，瑩瑩雖然不是做女一，多數演配角，但她拍劇量相當驚人！
