其他文章：

胡定欣宣布跟Terry分手

邱淑貞激索大女拍片唱歌

婚事告吹變剩女

快35歲嘅胡定欣同音樂人Terry拍拖一年多，定欣早已認定對方係結婚對象，更實行奶奶政策，以為融入男友家中，終可實現做人妻夢想！定欣不時跟Terry出相入對，經常以情侶裝出外濕平，當正自己係陳太咁！

不過，本刊早前影到Terry跟25歲辣妹dancer Alina撐枱腳，兩人不時含情對望，細聲講大聲笑，儼如蜜運情侶！而且，Terry原來跟Alina已暗交兩年，定欣呢次真係跌得好傷！

姊妹陪出走英國療傷

面對分手之痛，到英國度假嘅定欣於IG宣布「分訊」，更大方表示跟Terry再見亦是朋友：「我跟Terry現在是好朋友!! 他是我很尊敬欣賞的人，在過去這段感情，一直都很疼惜我照顧我，給我很多鼓勵，他亦是一位對待事業和感情都很專一的人……希望傳媒朋友不要打擾他了! 感激感激!!~~ 放心，我很好，正享受我的假期，不用擔心!! 充滿電，返黎見!!」

表面上，定欣睇落心情平伏不少，其實，依然難掩婚事告吹之失望之情，因此其好姊妹胡杏兒、黃智雯及胡蓓蔚紛紛主動請假陪佢去散心，萬一有咩事都可以有照應！

子羚陪男友玩水

而定欣另一好姊妹姚子羚未有一同去英國，子羚選擇陪男友的士邦、丁子高夫婦等好友去新加坡曬太陽，子羚更穿黑白三點式晒弗爆身形，更笑言染金髮轉新look喎！

千嬅母子裝出發

千嬅到新加坡旅行前，上載與老公及兒子Torres一家三口照，留言：「超齡學生放暑假！」戴黑超嘅千嬅嘟嘴跟Torres穿母子裝selfie，難得陪仔仔暑假外遊，千嬅當然high爆！