5位女藝人噴血泳衣大哂冷 個個大騷夏日「胸器」！

撰文：東方新地｜圖片：Instagram-鄧洢玲、王寶葆、黃瑋琦、陳偉琪、林芊妤

王寶葆

以前嘅美味天使「春卷」而家成為咗王晶公司旗下藝人，最近佢就去咗馬來西亞旅行叉電，仲放出幾張喺雙子塔毗鄰嘅摩天酒店游水及享受日光浴嘅相，認真夠哂歎！

春卷

但望番佢早前嘅相，唔知係咪比較少見佢出現喺螢光幕前，小編差啲唔認得春卷。

鄧洢玲

最近，綽號阿旦嘅主持鄧洢玲認真忙碌，皆因佢早前飛完以色列工作後，就飛去越南旅行叉電放鬆，仲喺個人社交網分享自己著住泳衣兼托頭嘅甫士相，自然咁露出「胸器」，養眼程度滿分！

之前，阿旦都有分享過自己著住比堅尼嘅相上網，但就冇今次咁，大露「胸器」，不過就勝在身形唔錯同望落皮膚夠哂白滑。

黄瑋琦

上年港姐季軍黄瑋琦就突然難得po 出性感泳衣相上個人社交網，見佢著住件一件頭白色泳衣，仲要擺哂甫士坐喺船長位，唔講仲以為係影緊廣告相。

相對最近嗰張，睇番佢之前分享過嘅泳衣相，就真係密實啲喎。

陳偉琪

一向身材有料嘅港姐陳偉琪近排就去咗泰國度假，享受陽光與海灘，著上超低胸一件頭泳衣，完全將佢驕人身材一覽無遺！不過望落佢件泳衣胸位咁少布，小編就替佢有啲擔心會走奶。

陳偉琪仲側身大騷驕人「事業線」兼撥頭髮，感覺狂野之餘，仲好性感！

不過，即使陳偉琪唔騷正面，大露玉背同樣吸引！小編都好想同佢一齊坐喺隻鴨仔度。

其實，身材好又唔怕騷嘅陳偉琪一身小麥膚色，著起泳衣，性感得嚟，望落帶點健康美，都係好吸睛！

林芊妤

Coffee最近陀緊B仔，但咪以為咁就冇泳衣相睇，皆因就算大住肚4個幾月，佢都仲去旅行大玩浮潛，真係藝高人膽大！

Coffee無論係而家有咗BB，定以前未陀BB，著住三點色依舊一樣咁索！