女神配對計劃｜葉蒨文公開單身時間表原來已甩拖揭擇偶條件

《女神配對計劃》5大女神關嘉敏單身得最耐？！

28歲羅毓儀 Yuki：單身時間1年
29歲梁敏巧 Maggie：單身時間半年
32歲葉蒨文 Sophie：單身時間8個月
32歲李芷晴 Stephanie：單身時間幾個月
30歲關嘉敏 Carman：單身時間3年

葉蒨文爆同拍拖6年半男友已分手8個月

「愛回家女神」葉蒨文在記者會上透露鍾意有儀式感的男士，亦要睇性格，她喜歡有擔當、勇敢的男士，她又指自己對上一段戀情歷時6年半，最終由她提出分手，她坦言對感情事比較決絕，但不一定需要結婚，最重要是有共同目標，不會退縮。其後她在社交網上發了一篇長文，補充自己的擇偶條件，講得非常詳細：

女神配對計劃正式招募☺️🫶🏻
歡迎全球所有單身、18歲以上嘅男士報名參加🧏🏻‍♀️

今日記招分享咗我嘅理想型
平時主要拍愛回家都好少同其他男藝人合作
所以我就揀咗兩個我合作過嘅愛回家演員💁🏻‍♀️

第一款係眼睛細細嘅GM
因為我由細到大都鍾意眼睛偏細嘅男仔
而且佢性格幽默，轉數快，幾搞笑
😆
第二款就係性格非常gentlemen、毫無架子、尊重每一個人
亦都感覺佢非常情緒穩定又有責任感嘅瑞偉哥
☺️

呢啲都係我鍾意嘅特質，有興趣嘅人士可以報名，非誠勿擾

女神配對計劃葉蒨文在去年中同拍拖6年半男友分手。（圖片來源：IG@sophieysm） — 葉蒨文在去年中同拍拖6年半男友分手。（圖片來源：IG@sophieysm）

女神配對計劃過去葉蒨文的圈外男友「啤梨仔」不時揸車管接送。（圖片來源：IG@sophieysm） — 過去葉蒨文的圈外男友「啤梨仔」不時揸車管接送。（圖片來源：IG@sophieysm）

女神配對計劃葉蒨文曾表示與男友感情穩定，沒想到原來二人已分手8個月。（圖片來源：IG@sophieysm） — 葉蒨文曾表示與男友感情穩定，沒想到原來二人已分手8個月。（圖片來源：IG@sophieysm）

葉蒨文自爆有不少追求者對圈內人冇興趣

被網民封為「全TVB最索女藝員」的葉蒨文，曾公開有個拍拖數年的圈外男友，不過早前情人節，葉蒨文就貼出自己在公園曬長腿的照片，並寫道：「今個情人節冇情人，公司可唔可以搞個戀綜幫我搵？」自爆已回復單身，有網民留言：「太靚所以無人敢追。」葉蒨文就回覆：「其實都有唔少，但可能我本身唔係好鍾意自己個圈子會識到嘅人」並表示自己不是要求高，但對本身圈子的人不太感興趣。

女神配對計劃早前情人節，葉蒨文自爆冇情人。（圖片來源：IG@sophieysm） — 早前情人節，葉蒨文自爆冇情人。（圖片來源：IG@sophieysm）

女神配對計劃活動上葉蒨文揀選了GM曾展望和KC歐瑞偉作理想型對象。（圖片來源：IG@sophieysm） — 活動上葉蒨文揀選了GM曾展望和KC歐瑞偉作理想型對象。（圖片來源：IG@sophieysm）

女神配對計劃葉蒨文笑言對眼細細的男士情有獨鍾。（圖片來源：IG@sophieysm） — 葉蒨文笑言對眼細細的男士情有獨鍾。（圖片來源：IG@sophieysm）

梁敏巧最緊要啱feel

「東張女神」梁敏巧接受訪問時笑言今次攞正牌去媾仔，開心到瞓唔著，又話好期待可以搵到一個好似彭于晏咁靚仔同大隻的男仔，不過她在社交網上就補充話現實生活同幻想唔同，仲要有另外的條件：

我要參加戀愛節目啦

雖然我幻想完美對象係彭于晏
不過現實生活另一半最重要係
心地善良，幽默孝順有責任心
好Man很會保護另一半
有少少霸道總裁🤣🤣🤣
其實最緊要啱feel
來，和我約會吧～

女神配對計劃有網民話梁敏巧的要求BabyFace都有部份符合，可惜梁敏巧直言和對方唔啱feel。（圖片來源：IG@maggiemanhau） — 有網民話梁敏巧的要求BabyFace都有部份符合，可惜梁敏巧直言和對方唔啱feel。（圖片來源：IG@maggiemanhau）

李芷晴注重對象身高

同樣係「愛回家女神」的李芷晴，就表示因為自己身材高大（1米73），所以十分注重對象身高，擔心另一半太細粒，會顯得她好「大嚿」。她直言覺得結婚是一生一世的事，目前她仍未遇過可以認定的人，她又指自己雖然係「戀愛腦」，但也會向父母的戀愛經驗取經。不過除了對身高有要求外，她在社交網上只係鼓勵網民報名做她的男友，並冇提出額外要求：

Hey 不如我地…拍拖吖？💕
戀綜睇就睇得多估唔到今次竟然有份參與🙈
女神配對計劃正式開始招募啦🤍
各位單身男士們快啲放膽嚟報名啦🙆🏻‍♀️
又或者如果你想介紹你身邊優秀嘅男士俾我哋幾個識
就快啲send條link俾佢啦

女神配對計劃 1米73高的李芷晴話唔想搵矮過她的男士。（圖片來源：IG@step_bystep） — 1米73高的李芷晴話唔想搵矮過她的男士。（圖片來源：IG@step_bystep）

關嘉敏理想型係C君

「扮嘢女神」關嘉敏係5位女神中單身時間最長的一位，單身了足足3年，早前的中西情人節都是在工作中度過，在活動上她揀選了C君作理想型對象，相信是喜歡有才華及幽默的男士。在社交網上，她也有出po鼓勵網民報名參加節目：

招親節目！
十年難得一遇！
所以！
快啲黎報名相遇下😂
3月23日截止啦

女神配對計劃關嘉敏已dry足3年，渴望有愛情滋潤。（圖片來源：IG@carcar.carman） — 關嘉敏已dry足3年，渴望有愛情滋潤。（圖片來源：[email protected]）

羅毓儀想搵霸道總裁

已單身1年的「童顏女神」羅毓儀未有在社交網出po，但在記者會上就公開了擇偶條件，她大讚《愛·回家》的拍檔「Terry」李偉健是好對象，細心又識畫畫有才華，十分符合自己要求，可惜對方已婚，又自爆想搵個「霸道總裁」男友，因為鍾意被管束，認為對方會管你是因為緊張你，而被問到要否有錢？她笑指有錢當然最好，仲要夠幽默。