奪命提示大結局｜監製招牌橋段惹熱議收視高企觀眾猛烈提議5大改善方向

《奪命提示》大結局 TVB觀眾猛烈提議5大改善方向

1. 女警披頭散髮加熱褲上陣捉賊唔合理

《奪命提示》仲有一集就大結局，睇完29集，原來觀眾最難以接受的是女警們「披頭散髮、長髮飄逸」去捉賊的造型，仲要配搭「熱褲、小背心」，質疑現實中不可能如此不專業，影響視線兼不方便：「集集見到啲女主角披頭散髮咁去捉賊，真係睇到把幾火，好想一把較剪剪晒啲頭髮」、「開親槍D女警頭髮死咁吹，一開就吹」、「每次開槍個頭都有風吹」、「長髮熱褲小背心嘅女警，咁樣去捉賊，啲編劇個腦係咪有問題？」、「着到似企街多過似差婆」、「雖然想吸睛，但今次過多over咗」。

奪命提示大結局觀眾個個都睇到好肉緊，睇完劇即湧到TVB官方Facebook留言。（圖片來源：TVB） — 觀眾個個都睇到好肉緊，睇完劇即湧到TVB官方Facebook留言。（圖片來源：TVB）

奪命提示大結局 TVB官方YouTube上的精華片段回顧下，也有不少觀眾留言評價劇情。（圖片來源：TVB） — TVB官方YouTube上的精華片段回顧下，也有不少觀眾留言評價劇情。（圖片來源：TVB）

奪命提示大結局 3位女警被觀眾質疑披頭散髮加熱褲上陣捉賊。（圖片來源：TVB） — 3位女警被觀眾質疑披頭散髮加熱褲上陣捉賊。（圖片來源：TVB）

2. 壞人太勁警察太無能

觀眾又狠批《奪命提示》將警隊塑造成無力兼被動，安全屋警力甚至少於保護對象，查案靠「口水」而非實際調查，如「CCTV都唔睇」、「好似香港只得十幾個警察咁，垃圾劇，浪費演員」、「無錯差佬得十個八個、班匪徒次次都幾拾個、成個兵團咁、好犯駁！」、「殺手無限量，警察得番幾個」、「拍到d警察咁冇用，全家都死清光」、「明明都知道謝東閔個棺材係空嘅，佢就係兇手，只因為佢用咗另一個身份就不能再扣留佢？編劇當觀眾係白痴！」而壞人則可以「無限復活」超強勁。

奪命提示大結局觀眾鬧爆所謂安全屋警力少到離譜。（圖片來源：TVB） — 觀眾鬧爆所謂安全屋警力少到離譜。（圖片來源：TVB）

奪命提示大結局趕去支援的警察只得幾個。（圖片來源：TVB） — 趕去支援的警察只得幾個。（圖片來源：TVB）

3. 集集死人集集都喊太煩膠

觀眾更鬧爆編劇為製造緊張氣氛，刻意用親人死亡推動劇情，並安排大量催淚場面：「集集喊到PK」、「為喊而喊為，不合邏輯」、「晚晚都死無辜者、催淚，邊個觀眾喜歡睇呢？」、「編劇有問題，為咗集集有人喊要死咁多人」、「集集都喊好X煩」、「禍不及家人，但要死晒啲亞媽先安樂」、「呢套劇，搞到啲警察局超無能，睇住一個一個親人咁死，只係識得喺度喊」、「集集都死人，超嬲」、「越睇越火滾，完全唔合邏輯，每一集都喊，煩死人！」、「似打機多啲，不斷有人衝出嚟死，死極都死唔晒」。

奪命提示大結局觀眾更鬧爆劇情臨近結局，集集死人集集都喊。（圖片來源：TVB） — 觀眾更鬧爆劇情臨近結局，集集死人集集都喊。（圖片來源：TVB）

類似劇情在11年前《使徒行者》第1輯也上演過，「釘姐」三位養母蘇恩磁、呂珊、韓馬利在第25集一次過被殺，只有佘詩曼和林峯的演技，能擔當得起得「一次過死三個阿媽」的衝擊劇情！

奪命提示大結局《使徒行者》第1輯也是由文偉鴻監製。（圖片來源：TVB） — 《使徒行者》第1輯也是由文偉鴻監製。（圖片來源：TVB）

奪命提示大結局劇中「釘姐」三位養母蘇恩磁、呂珊、韓馬利在第25集一次過被殺。（圖片來源：TVB） — 劇中「釘姐」三位養母蘇恩磁、呂珊、韓馬利在第25集一次過被殺。（圖片來源：TVB）

奪命提示大結局佘詩曼和林峯的演技備受讚賞。（圖片來源：TVB） — 佘詩曼和林峯的演技備受讚賞。（圖片來源：TVB）

奪命提示大結局「一次過死三個阿媽」劇情非常衝擊！（圖片來源：TVB） — 「一次過死三個阿媽」劇情非常衝擊！（圖片來源：TVB）

4. 監製套套劇橋段重複

觀眾直指編劇及監製文偉鴻「套套都係咁」，劇情為求博眼球刻意誇張不顧邏輯，浪費優秀演員陣容：「編劇有病，搞亂社會，壞人任意妄為，當法律唔存在」、「AI提示好似邪靈附體，編劇唔好弱智呀」、「劇情重復，一式一様」、「好像為鋪墊而鋪墊，要觀眾繼續猜幕後Boss，而一直保留Boss到最後」、「除咗D女女養眼，劇情真心膠，同以前警匪片冇得比」，有留言更狠批《奪命提示》劇情抄襲Netflix熱爆韓劇《魷魚遊戲》元素：「唔該下次換個編劇同導演，部戲真係好肉酸，一直抄一直自爽，連魷魚遊戲都抄埋。」

奪命提示大結局文偉鴻監製的《城寨英雄》、《鐵拳英雄》、《超能使者》等劇都要觀眾估Big Boss，其中，招牌橋段都係「反轉再反轉」，例如《鐵拳英雄》的Big Boss就係前期一直扮好人的路向東（吳家樂飾）。（圖片來源：TVB） — 文偉鴻監製的《城寨英雄》、《鐵拳英雄》、《超能使者》等劇都要觀眾估Big Boss，其中，招牌橋段都係「反轉再反轉」，例如《鐵拳英雄》的Big Boss就係前期一直扮好人的路向東（吳家樂飾）。（圖片來源：TVB）

5. 邏輯崩壞觀眾質疑會爛尾

觀眾對大結局普遍不抱期望，甚至希望以「只係一場夢」或「奸人得逞」作結，認為劇集「太多喊戲，又死得太多人，得返一集，應該爛尾」、「虎頭蛇尾失敗之作」、「劇情不知所謂，最好結局係全部主角瓜晒！」、「原本都好好睇，又係臨結局篇衰收尾！爛晒！」有觀眾更直言已棄劇：「完全唔想追大結局」、「轉台睇新聞好過」、「已沒再看，因看到每集宣傳片已經好嬲」，有觀眾就認為劇情為鋪墊第二輯而保留幕後黑手，導致故事牽強，直呼：「為鋪墊而鋪墊，唔合邏輯」。