《太平紋身店》與姜濤做父子 黃德斌慈父上身 孖老婆湊B出巡

文：東方新地｜圖：新傳媒圖片庫、《太平紋身店》劇照

黃德斌 與姜濤同月同日生

黃德斌在ViuTV新劇《太平紋身店》飾演黑道界中的傳奇人物「葉蓋天」，在獨子「葉天晴」（姜濤飾）被殺後，成為三不管地帶「太平街」街主，迎接各種走投無路的江湖人士入住。在劇中演父子的黃德斌和姜濤，雖然年紀相差36歲，但原來同月同日出世，生日都是4月30日，非常有緣。

黃德斌：生B要考慮環境條件

劇中與姜濤父子情深，現實中黃德斌與太太Joyce拍拖、結婚逾廿年，提到生小朋友，黃德斌直言：「未有呢個計劃，因為我覺得結婚係兩個人嘅事，如果要有小朋友，我諗要有好嘅環境同條件，我先至考慮，我覺得依家未係。」

黃德斌在2018年9月迎娶太太Joyce，當時他曾發表「愛的宣言」說：「佢好了解我！婚前、婚後大家都係互相欣賞、遷就、信任同尊重。」

孖老婆忙湊B

婚後被問到可有努力造人，型佬黃德斌幽默表示：「唔話你知，呢啲咁私人嘅問題，得喇！總之我會保重身體！」不過，早於數年前，黃德斌同Joyce的身邊就經常出現一個神秘B仔，兩人一得閒就孖住湊B，但黃德斌已經否認是B仔老竇，表示是幫朋友湊B。

黃德斌 B仔不離手

原來早在15年初，黃德斌已被發現與當時的女友Joyce之間多咗個「神秘B」，經常孖住湊仔。據知德斌話BB係佢朋友個仔，叫做稀稀，佢同Joyce都好錫個BB，Joyce仲成日湊埋個B返時裝店開工㖭！不用工作的日子，黃德斌都將全副心機時間去湊仔，二人湊住B仔到尖沙咀一間平民餐廳開餐，入到去黃德斌先揀個隱蔽位置抱住B仔坐好，B仔忽然扭計扁晒嘴，德斌就緊張到即刻哄埋去狂啜B仔，氹到BB即時笑番。