城城 春夏 首封《金像獎》影帝后
廣告
第35屆金像獎圓滿結束，最佳男女主角分別由《踏血尋梅》嘅郭富城及內地演員春夏奪得，二人同為首次奪得該項殊榮！另外，最佳導演由執導《智取威虎山》徐克贏得，最佳電影由涉及敏感題材嘅《十年》奪取，令人意外！而電影《踏血尋梅》全晚共奪七個獎，橫掃影帝后及男女配角等大獎，成全晚大贏家！此外，全晚亦有幾個爆笑位，即刻去片！
林敏驄疑爆粗
林敏驄同鄭中基除了jam歌，更搞爛gag，期間阿驄疑爆粗，以高嘅諧音「鳩」，叫鄭中基唔好唱「鳩」音！之後二人又拿最佳新演員得主白只名字開玩笑，笑言白只細個經常跣低，所以小時候名字係白紙跣(扇)； 又笑言白只爸爸係馬龍白蘭度、媽媽係白蘭氏，攞完獎就買咗架白車！全場爆笑！
學友食螺絲
張學友同張家輝笑言劉青雲做完今屆主持，明年應唔會重操故業，青雲聽完後反寸二人：「我講嘢雖然唔流利，但勝在靚仔！」之後爾冬陞於台上說原本叫青雲做最佳電影頒獎嘉賓，因為青雲係司儀身份中性，青雲即回應：「好明顯我係男性！」
下頁開始有得獎名單！
最佳男主角：郭富城《踏血尋梅》
最佳剪接：張嘉輝《葉問3》
最佳美術指導：張叔平、邱偉明《華麗上班族》
最佳服裝造型設計：奚仲文《捉妖記》
最佳動作設計：李忠志《殺破狼II》
最佳原創電影音樂：羅大佑、陳輝陽《華麗上班族》
最佳原創電影歌曲：《哪一天我們會飛》主題曲〈差一點我們會飛〉
最佳音響效果：曾景祥、李耀強、姚俊軒《智取威虎山》
最佳視覺效果：Jason Snell、潘國瑜、湯冰冰《捉妖記》
新晉導演：許誠毅《捉妖記》
最佳兩岸華語電影：《剌客聶隱娘》
專業精神獎：周永光
終身成就獎：李麗華女士
最佳衣着獎：張學友、林嘉欣
