回顧今年難逃分手命運圈中情侶 願各自再找到幸福！
撰文：東方新地｜圖片：東方新地、Instagram
回顧今年難逃分手命運圈中情侶
｜陳家樂余香凝
現年31歲的陳家樂入行15年，當年參加新秀輾轉簽了英皇娛樂開始其演戲生涯，近年事業開始起飛，早前憑無綫劇《逆緣》中「冷凍爺爺」鍾定國一角成功入屋，工作機會不斷，可謂事業高峰期！
揚言照顧余香凝一生
陳家樂除了事業順利，愛情同樣得意！陳家樂與余香凝於四年前合作拍港台劇《總有出頭天》擦出愛火花，拍拖近四年，人前人後表現恩愛！去年陳家樂駕車接女友放工不慎發生車禍，余香凝當場鼻骨爆裂，肉赤女友的陳家樂聲言會一生一世照顧女友，並送上鑽石戒指作為見證。
早已認定對方
陳家樂曾不止一次在訪問中提及視余香凝為結婚對象，二人早已同居及互見家長，實是非卿不娶：「我係嘅！如果可以我係好希望一路行到組織家庭，至於得唔得就睇個天，希望我嘅付出可以做到，依家首期都未有，希望盡快展開人生下一個階段。嗰次撞車睇到佢係好強，我好緊張，反而係佢安慰我話佢冇事，叫我唔使擔心。」
余香凝被揭一腳踏兩船
陳家樂一往情深，到頭來原來係一廂情願，余香凝被本刊發現一腳踏兩船，與一保險業界才俊打得火熱！
陳家樂含淚回應…
6月12日陳家樂在中環回應本刊記者，對余香凝一心一意的家樂知悉女方連日在新仔寓所過夜，悲痛到一度講唔到嘢，情緒激動轉身拭淚，其後哽咽認分手…
｜洪卓立湯怡
拍拖超過11年的洪卓立和湯怡，一起在IG宣布分手！消息震驚一班網民！IG Post中並沒有透露分手原因，只強調兩人會從男女朋友變成知心好友，一班網民大叫可惜，同時亦有網友直言不敢相信愛情！
不過有網民猜測兩人分手，早於數個月前原來有端倪。兩人自3月13日後沒有再上載合照到任何社交平台，3月13日那張合照也是廣告。
5月，湯怡套擔正電影《某年某日》，開始忙於宣傳。當時洪卓立還有發文叫大家支持對方的新片！
洪卓立與湯怡7月到台灣旅行，兩人互相為對方拍照，亦有放上IG，情侶關係似乎未有改變。
湯怡去完旅行後出席活動接受訪問時，被問到與洪卓立的婚事何時實現，她突然三緘其口，表示不欲再提感情事，封口提洪卓立。相隔數天，洪卓立亦有與湯怡探望女方的姪兒，亦有在網上更新。
10月 洪卓立 湯怡上載合照
由於太久沒有更新，當時有網民以為兩人已分手，仔細一睇湯怡最後一次Po與洪卓立的合照已經是在10月的事，是在洪卓立的演唱會那天，兩人看起來已經有點生疏，兩人自此再沒有更新關於他們的消息了。有網民猜測，大洪小怡的戀情在數月前開始情海翻波！
｜羅天宇湯洛雯
仲記得上年靚湯同羅天宇仍打得火熱，而佢當時喺男友生日會上送上Birthday Kiss，不過羅天宇今年生日會上，二人已經分咗手！話雖如此，佢哋話當日係因了解而分開，再見亦是朋友，所以喺羅天宇生日派對上，ex湯洛雯都有大方出現，而且大合照仲企喺羅天宇身後！
靚湯首次演出的劇集《愛・回家》，當中佢飾演思思一角深受觀眾歡迎，清純鄰家女孩形象相信大家都仲記得。而靚湯亦因為此劇與飾演馬子仁的羅天宇傳出緋聞。雖然二人並冇正式承認，並一直聲稱了解中，但大家早已認定佢哋係一對！
湯洛雯吻賀壽星仔羅天宇
去年10月1日係羅天宇30歲生日，男人三十而立當然要好好慶祝，邀請多位圈中好友如陳瀅、劉佩玥及何廣沛等在其紅磡寓所開P。其中靚湯以女主人身分企正壽星仔身旁影相，連靚湯妹妹Cassandre亦有現身，可見兩家人關係融洽。而重點係，慶祝到興起之際，靚湯為捧著蛋糕的羅天宇送上深情一吻，冧爆一幕被拍下在網上流傳，男粉絲們真係心碎了！
靚湯之前就Post咗張相，相入面嘅佢眼神帶點憂鬱，仲寫：「愛累了，就放手，人累了，就休息，心累了，就淡然。」令到唔少網民都擔心佢，問佢咩事啊！仲有人即刻留言：馬子仁sad(馬子仁係羅天宇喺《愛回家》嘅角色名）。
