囡囡似王君馨 幸福少奶奶楊羚脹爆
廣告
當年專做人細妹嘅楊羚，觀眾對佢印象最深一定係《大時代》入面做劉青雲細妹方敏，或者《大鬧廣昌隆》林家棟個妹。其實退出幕前多年嘅楊羚，依家已經48歲，身形有啲肥師奶feel，但日前出席活動時仲係baby face，皮膚又白又滑，話似28歲都有人信！原來楊羚有個10歲囡囡Christy生得好靚女，更激似花曼王君馨，睇嚟將來大有條件女承母業入行做演員喎！
延伸閱讀︰
反擊蘇施黃 麥明詩靚抽撐港隊
小鮮肉版馬神 馬德鐘18歲仔接棒入行
楊羚同從事旅遊業嘅老公育有一仔一女，大仔黃樂天今年14歲，細女黃樂童Christy 10歲，同媽媽生得好似樣。原來楊羚一對仔女係運動健將，大仔玩短跑同單車，細女就玩晒兩樣，再打埋羽毛球！兩兄妹不時贏得獎牌，叻叻！
楊羚85年加入TVB後拍過唔少劇，《大時代》一定係代表作；00年同從事旅遊業嘅老公Albert結婚，婚後主力照顧屋企，現時樂做幸福少奶奶，經常一家四口周圍旅行。
全文完
