周星馳趕拍《喜劇之王2》 主角陣容面目全非？
廣告
周星馳經典作品多不勝數，無論電視翻播幾多次，有時都真係忍唔住坐定定再睇，《喜劇之王》就係其中之一！最近有消息指星爺已拍板開拍《喜劇之王2》，佢本人當然唔會再做男主角啦，所以搵來三位內地演員擔正，唔知大家點睇呢……
撰文：東方新地｜圖片：新傳媒、微博、電影截圖
《喜劇之王》超經典
星爺近年已退居幕後，觀眾已多年未有機會在大銀幕上看到其演出，不過星爺多部經典作品早已深深留在觀眾心中，翻睇又翻睇不在話下，甚至連啲對白都背熟晒！而《喜劇之王》，亦是唔少香港人的集體回憶！
《喜劇之王》場面 (難以盡錄)
《喜劇之王2》 主角陣容面目全非？
今年星爺全力趕拍《美人魚2》，不過該片需要用上大量特技，後期製作需時，所以未能趕及2019年賀歲檔上映。故星爺近日亦已拍板開拍《喜劇之王2》頂上！星爺自己當然唔會再演主角，班底亦都唔可能再見到莫文蔚、張栢芝，所以據知會搵來三位內地演員擔綱主演，男主角王寶強更是星爺親自邀請！
至於兩位女主角，就分別為39歲內地女星姚晨、以及近年甚得星爺重用的「星女郎」林允！由於時間緊迫，星爺只負責《喜劇之王2》監製，並由邱禮濤導演執導。邱導喺行內出晒名係「目標王」，拍電影極少超支或超時，加上《喜劇之王2》並無特技場面，相信可以如期上映俾大家欣賞！
