無綫日前播出的十點半檔綜藝節目《沒有起跑線？》，虎媽連拋金句「贏在子宮裡」和「贏在射精前」，引起 網民熱論，接《沒有起跑線？》棒有27日播出的綜藝節目《反斗紅星冇暑假》，《反》整個系列合共三個單元，分五集播出，單元一有楊明去印度嘅「打工捱世 界」、單元二有黃翠如去芬蘭嘅「打工唔捱世界」，仲有許廷鏗、吳若希和胡鴻鈞去台灣拍攝嘅「嘩鬼上學去」。
其他文章︰
一個「嬲」字去上學
吳若希、許廷鏗和胡鴻鈞被安排到新北市的莊敬高職學校，體驗十二天校園生活，着校服孭書包重返校園生活。
睇落似優差，但其實都唔易，三人同該校學生一樣，要準時上堂、交功課、溫書和考試，重回讀書時期的生活。
糾察上身
吳若希被老師欽點做糾察隊隊員(即係風紀)，要早過其他同學在校門外站崗，檢查同學們的校服有否違規。結果她發現許廷鏗件黑色底衫衫由凸咗出嚟，惟有揸正嚟做，摘名！
堤防睇風景
幾個同學帶吳若希等去堤防排排坐睇風景，翠綠青山景緻怡人，不過後來吳若希又因做錯事被罰坐無影櫈，咦！兩個場景都有啲似電影《那些年，我們一起追過的女孩》喎！
唱台語歌娛賓
Jinny仲要喺台語課，唱台語版嘅〈越難越愛〉，驟耳聽起來有啲音仲似廣東話粗口，Jinny今次真係為咗節目豁出去…
而坐在前排的許廷鏗，聽着聽着覺得吳若希似爆粗，不禁失笑起來！
離別依依
三人放學後換過校服，拉隊逛基隆夜市，除了吃地道小食，仲去攤檔玩遊戲！
吳若希話可以無憂無慮讀書好開心，所以最後一天離開校園時都一時感觸，喊住跟同學們道別，佢哋仲同比較熟嘅同學仔互相交換電話同fb保持聯絡！
全文完
