延伸閱讀︰

被雙親遺棄 張頴康眼濕濕講孤苦童年

大熱Pokemon GO 5招遊戲攻略全面睇

整過一次容

音音姐成日俾人笑整容失敗，仲話佢眼耳口鼻都整過，其實音音姐強調咁多年來只整過一次下巴！當時貪靚想塊面睇落尖啲，於是叫醫生幫佢打針，後來音音姐驚有副作用而做移除手術，點知手術失敗，反而令下巴生滿肉芽，明顯變晒形！

仆爛半邊面

導致音音姐毀容的真正原因，係廿年前晌屋企仆親所致。音音姐話當時踢到拖把跌倒，成塊面撞落枱角，因為太痛，所以音音姐唔覺意一手撕甩半邊面皮，連骨都見到！去到醫院，護士話大把人緊急過佢，最後等咗5、6個鐘先見到醫生！醫生話等得太耐，令好多空氣入咗去，入面完全腫晒，近乎毀容！

李小龍帶入行

本身行船的音音姐，因為一次機會參觀嘉禾電影廠，被功夫巨星李小龍睇中，主動邀請佢試鏡拍戲。音音姐話當時船上冇機會睇到電影，所以完全唔識李小龍係乜水！最抵死係，音音姐話如果早知佢咁出名，就一早溝佢添！不過好不幸，李小龍冇幾耐之後就突然過世，音音姐亦因此被冷落，最後更遇到賤男導演，呃佢拍三級片！

全文完