唐詩詠洪永城傳秘密復合兩個月
廣告
最近TVB有新劇《棟仁的時光》播出，以「誰偷走了我的時間？」為主題，透過男主角袁偉豪和女主角唐詩詠生死糾纏嘅宿命，打造出奇幻浪漫故事。新劇出街的同時，今日有報道指36歲唐詩詠同分手唔夠一年的洪永城已經復合兩個月！一齊睇睇當事人唐詩詠如何回應？
撰文：東方新地｜圖片：新傳媒圖片庫、Instagram
唐詩詠洪永城 傳秘密復合兩個月
被譽為「不能錯過的女友」的唐詩詠，去年與拍拖兩年幾的洪永城宣布分手，據知洪永城一直想追番唐詩詠，早前佢入股曾志偉開設的西餐廳「老爺廚房」做小股東，報道指志偉哥及其他股東不時約埋詩詠落餐廳相聚，乘機造就機會給洪永城與女方多啲相聚。而日前有報道指洪永城已「螺」掂唐詩詠，兩人已復合兩個月！
唐詩詠 自己要過得開心
當事人唐詩詠日前出席新劇《棟仁的時光》宣傳活動，被問到現在感情狀況時，詩詠笑言作為一個女性，除咗愛情可以畀到開心自己外，更重要係諗乜嘢會令自己過得開心，又認為要搵到自己人生方向，同一時間就可以帶動到另半一齊向前行。
唐詩詠回應：笑話一則！
最近唐詩詠好勤力做運動，而且漸見成效中，而剛巧洪永城又開始積極玩健身，又搵教練操肌，就咁睇佢哋好似步伐幾一致咁！而詩詠終於回覆傳媒關於佢同洪永城復合一事，佢竟然話是笑料一則，睇嚟傳聞，只屬傳聞而已。
