陶大宇突襲apm商場！回港頻頻被野生捕獲！重溫去年邀周柏豪搞到過萬嬲！

文：東方新地｜圖片：apm圖片、周柏豪IG、傭仔日記 Maid’s diary

市民apm直擊陶大宇！關注組有片！

陶大宇的商場活動本擬於1月22日 ( 星期六) 於觀塘apm商場舉行，因為防疫拱施及限聚關係，商場曾經宣布將演出延期，不過有市民在商場發現陶大宇現身商場進行拍攝，清唱《倒轉地球》透過影片同大家拜年！這場無預告的「apm x 陶大宇倒數地球迎虎年」現場反應雖然有少少冷清，但直擊的市民都畀足反應：
影片來源：陶大宇關注組

陶大宇apm新春活動 疫情影響宣布延期

其實陶大宇本人早已於上星期提早回港，對於商場演出活動要延期，他就大方表示「來日方長」，在星期六（1月15日）更有網絡KOL在尖沙咀另一商場巧遇陶大宇，即使戴住口罩都認得出並合照：

陶大宇：想野生捕獲我，一齊倒轉地球？

陶大宇本來將會現身的活動，原定於2022年1月22日 ( 星期六) 於觀塘apm商場舉行，主辦單位曾經推出預告，以「熱爆陶大宇」作為介紹，預告片中大宇仲親自拍片叫大家嚟同佢一齊倒轉地球：「最近有唔少朋友都好關注我嘅歌唱事業，話樂壇欠我一個交代喎！其實我唱歌跳舞都係為咗搞氣氛嘅啫，最近要就係你哋開心！如果想野生捕獲我，一齊倒轉地球？又唔係話冇機會㗎喎！」結果網民一面倒期待陶大宇回歸香港，仲話一定要去睇現場版《倒轉地球》添！可惜最終活動要延期。

影片來源：齊齊推過氣師奶殺手陶大宇上返神台關注組

相關文章：陶大宇網上直播演唱會只唱3首歌 揚言敢同宇宙G.E.M.對唱

上年同一個場地年中搞周柏豪的online粉絲見面會勁吸嬲！

周柏豪的online粉絲見面會在2021年6月8日在觀塘某商場舉行，主辦單位最近推出預告，以「人氣歌手」隆重介紹周柏豪，不過卻獲得網民瘋狂派嬲出，網民洗版直斥主辦單位冇市場觸覺，竟然請「人棄歌手」周柏豪，更紛紛提出最佳人選及方案，絕核又有創意﹗吸過萬嬲後商場疑似跪低突刪post，不過仍未平息民怨﹗

周柏豪被稱「人棄歌手」商場邀請後刪帖

去年6月觀塘apm商場以「人氣歌手」介紹周柏豪，並預告舉行「周柏豪的online粉絲見面會」，可惜該post卻在一日內獲派嬲，而且過萬個嬲嬲﹗群情激憤洗版留言指主辦單位冇市場觸角，竟然搵「超級人棄歌手」，又指會罷去該商場。

網民提議搵人氣偶像MIRROR

網民不滿商場搵周柏豪，更紛紛提議搵人氣偶像MIRROR及ERROR，甚至是ViuTV的二三線藝人都好過周柏豪，又建議「如果唔夠budget可以放十二個MIRROR成員紙牌」，都足以塞滿商場，不用找周柏豪如此趕客﹗

周柏豪與粉絲網上見面

周柏豪的粉絲見面會原來是商場會員消費一定金額，便可以參加該日的粉絲見面會，與周柏豪在網上「深情對話」，而並非見真人﹗此外該活動以父親節為主題，預告指升呢爸爸的周柏豪會親自帶領遊商場內的態貓數碼博物館，但未有詳細說明是否在6月20日父親節當日舉行。

商場突然刪post

吸過萬嬲後，商場突然刪post，不過未有另行通知有關周柏豪的online見面會，會如期舉行還是取消。不過商場此舉明顯撲火不成，網民怒氣未消，在該商場的社交網不同post派嬲及留言質問，群情繼續洶湧，令每個post在短短數小時內過千個嬲，周柏豪「人氣」果然勁﹗

網民質問：取消周柏豪個活動未？

網民：搵MIRROR或ERROR就話啫

網民：可惜〈一事無成〉無國語版

陶大宇爆紅FAQ

問：陶大宇的「首本金曲」是否只得《倒轉地球》？

答：不是！陶大宇的登台金曲除了《倒轉地球》還有郭富城以下呢首⋯⋯詳情按此「陶大宇繼〈倒轉地球〉再挑戰郭富城舊歌 新招『打樁式加油』：Come On！」

問：觀塘apm商場對上一次邀請周柏豪最後結果如何？
答：apm商場曾預告於2021年6月為周柏豪舉行Online粉絲見面會，可惜不受網民歡迎，在強烈反應下，當時商場有以下決定⋯⋯詳情按此收看「周柏豪商場預告見面會獲瘋狂派嬲」