周杰倫台北過億豪宅曝光！為愛女打造粉紅小城堡 內文多圖

撰文：Andy｜圖片：昆凌IG、周杰倫IG 截圖｜編輯：海月

周杰倫寵女冇極限 億元豪宅內起「粉紅色小城堡」

近日周杰倫於IGpost咗張相，分享咗佢女兒嘅玩樂區。仲留言稱「我為家裡小公主打造了粉紅色城堡，但為甚麼是粉紅色呢？因為我也喜歡」。

周董寵女就出曬名啦，佢最近更係於佢億元豪宅內，幫女女打造一個「粉紅色小城堡」玩樂區。等自己女女可以開開心心咁玩，做個幸福嘅小公主。

從張IG相可以見到呢個「粉紅色小城堡」內貼五顏六色嘅卡通poster，周董仲想女女寓教於樂，喺玩樂區入面貼上英文字，令女女玩樂區玩得開心之餘，中可以愉快學習。

網民除了羨慕女女嘅城堡外 更欣賞窗外景色

相中窗外嘅景色亦成為網民嘅焦點。相面中可以見到周董豪宅窗外嘅美景，既可以俯瞰整個台北外，欣賞日落更係一絕。

5年前豪擲2億港幣買台北萬呎複式豪宅

亞洲天王周杰倫與昆凌結婚6年，目前二人共育有一對子女，分別係仔仔小周周（Hathaway）與女女小小周（Romeo）。

婚後，周杰倫將更多重心放於家庭，先於5年前以近2億港幣購入台北著名樓宇「和平大苑」頂樓複式單位。據了解，該單位面積超過9,500呎，更係全台北最高嘅豪宅大樓。

此外，周杰倫搵來意大利名設計師Lorenzo Tondelli設計愛巢裝潢，於自家空中花園內，打造成一個360度零死角觀景台，可寫意俯瞰整個台北市景色。