周杰倫疑拍《頭文字D》 昆凌 來港做跟得夫人
廣告
剛喺香港開完個唱嘅周杰倫，昨日同余文樂齊齊現身中環，現場唔止出現咗一架白色嘅舊版及新版AE86，周圍也有工作人員在拍攝，個個都猜測係咪開拍《頭文字D》續集！唔講唔知，周杰倫連日在港開騷及做拍攝工作，原來佢個靚老婆昆凌都有嚟做跟得夫人，真係見少一面都唔得！
撰文：東方新地｜圖片：東方新地
周杰倫疑拍《頭文字D》 昆凌 來港做跟得夫人
周杰倫和余文樂昨日現身灣仔華嫂冰室，現場有大批工作人員，還有幾部攝影機，又出動了航拍機。唔少遊人及市民都紛紛上前圍觀！兩人衣著打扮休閒，等埋位不時有傾有講！
睇真啲！門口仲停咗舊版及新版AE86，唔通《頭文字D》計劃開拍續集？
之後周杰倫和余文樂入冰室拍攝食嘢場景，到咗近3時許，周杰倫和余文樂一同步出冰室，二人上車往中環石板街繼續拍攝，沿石板街一路行又跟檔主傾談，沿途逼爆看熱鬧的途人。
昆凌來港 等周杰倫收工食飯
之後一行人再往山頂取景，周董和余文樂在晚上8點左右離開山頂，又再坐車到尖沙咀海景餐廳，估唔到呢個時候昆凌隨後搭手扶梯出現，在工作人員陪同下進入餐廳，原來等埋老公食飯。
