周子瑜素顏上陣拍片 驚變「無眉娘」
廣告
子華神話齋，「卸咗妝後仲認得叫做化妝，唔認得嘅叫做喬裝。」近日韓國女團TWICE為慶祝社交平台成立12周年，上載咗一條周子瑜的祝賀短片，不過周子瑜喺片中素顏上陣，雙目比較無神，而且眉毛實在有啲稀疏黯淡，變咗「無眉娘」！
撰文：東方新地
周子瑜封全球第3美
來自台灣的周子瑜出生於1999年，依家只係得18歲，高佻身材及亮麗外表非常出眾，舉手投足都散發陣陣仙氣，在亞洲各地的人氣極高！子瑜去年更在每年一度的「全球百大美女排行榜」勇奪第三，真係為台灣大大爭光呀！
日前TWICE喺官方推特上載一條影片，係周子瑜出鏡祝賀TWICE推特成立12周年，子瑜更加係素顏上陣！見到佢雙目比較無神，而且眉毛實在有啲稀疏黯淡，變咗「無眉娘」！
不過難得子瑜大方地素顏出鏡，對住鏡頭係咁擺甫士，又用手係咁送心心，真係迷死人！除咗條眉稀疏啲之外，其實佢皮膚又白又滑，素顏又添咗份清純感～ 同時亦有人批評TWICE所屬的JYP娛樂，點解唔等子瑜化好個靚妝先拍片？
