IG晒拖囝囝小手相｜吳雨霏：搏鬥10幾個小時
撰文：東方新地 │圖片：吳雨霏IG、新傳媒圖片
吳雨霏：搏鬥了10幾個小時
Kary呢日佢終於更新社交網同大家報喜，佢晒出一張捉住BB手仔嘅相，並宣布囝囝嘅英文名叫Asher，Kary留言：「遲來的報到，大家好，我叫做Asher！謝謝大家的祝福！Asher的意思是快樂和祝福，他就是天父爸爸送給我們最珍貴的禮物。」
選擇順產的Kary又不忘多謝醫生護士嘅照顧，她說：「生命真的很奇妙，從我肚子裡（裏）養育了9個月，然後搏鬥了10幾個小時後第一眼看到他，我知道我們的生命從此就不一樣。很想在這裡(裏)特別謝謝醫生和醫院的護士，從生產過程到出院一刻都好好的照顧我和BB辛苦你們了！」
32歲吳雨霏 順產誕下男B
Kary誕金叵羅前，已經同老公搬去半億愛巢，為囝囝提供優質生活，有指奶奶一直悉心照料，並搵定頂級產房及陪月員，老公睇定育嬰書學湊B，更豪裝BB房。
日前臨盆在即的Kary約Stephy同區文詩食生日飯Stephy話同壽星女食飯好緊張,皆因她隨時生得!
Belated happy birthday to our Lovely mommy to be 😘🎂 同你食呢餐飯都好緊張呀😆😆 #happybirthday#mommytobe #期待與洪B見面
StephyTang（@stboo）分享的貼文 於 張貼
孖老公慶祝32歲生日
6月9日是Kary的32歲生日，她在老公洪立熙陪同下慶祝。將為人母的她在社交網分享與老公的合照，並留言︰「So blessed. Thank you all ❤️」相中的Kary穿著背心花花衫，臉及手臂都未見水腫，同老公一齊流露幸福嘅笑容。
So blessed. Thank you all ❤️
A post shared by Kary Ng // 吳雨霏 (@ngk) on
下午，Kary也在ig stroy上載另一段慶生短片，見Kary一口氣吹兩個生日蛋糕的蠟燭，相信今年陀住bb的慶生的她一定過得相當難忘！
在較早前，Kary同好姊妹鄧麗欣(Stephy)同區文詩(Angela)飯敍，見Angela po的三人合照，Kary已現巨肚！
吳雨霏 挺6個月肚做導遊
公布成功陀B嘅Kary，由於早年曾經小產，謹慎起見，Kary陀B後全面停工，只在IG為品牌宣傳，為安胎未有公開露面。但前陣子，早幾日陀住BB嘅Kary做導遊，陪一班由蒙古嚟嘅中學生去玩，原來呢班來自蒙古嘅學生，係舊年十月Kary去當地探訪時識嘅。Kary po咗啲帶隊去主題公園嘅相，相中的Kary一身便服挺住巨肚，不過手臉都未見有腫，佢同大家當日玩得好盡興，Kary盡地主之誼，自己亦相當投入，不時跟卡通人物合照。Kary仲話自己睇見啲小朋友玩得咁開心，自己個心都溶晒﹗Kary粗身大世都做慈善都不遺餘力，呢啲就係最好嘅胎教﹗
同卡通人物影合照，Kary動作多多，陀住B都相當靈活。
吳雨霏 2月宣布懷孕5個月
31歲吳雨霏曾經小產，幸好有老公洪立熙(Brian)在身邊扶持，走出傷痛。Kary今年二月宣佈懷孕，在Instagram晒出「一家三口」相，並透露已有咗五個月，留言話兩公婆快要當爸爸媽媽，並多謝大家的祝福！
同奶奶感情好
據知Kary為老公一索得男，洪家上下對迎接金叵羅都非常緊張，奶奶更加搵定頂級產房及陪月，又經常煲靚湯畀新抱仔進補，事事照顧周到。據知情者透露：「Kary同老公兩家人係世交，奶奶可以話係睇住Kary長大，Kary同奶奶感情一向都好好，之前照超聲波，知道係陀男仔之後，老爺奶奶都好開心，始終Brian係長子，屋企第一個孫仔喎！成家人都好興奮，講真Brian不嬲都對Kary好好，知道老婆有咗之後，佢仲爭晒屋企啲家務嚟做，又請假貼身陪實老婆安胎先放心，佢仲睇定育嬰書，學定點湊B，佢真係廿四孝老公！」
半億愛巢送妻
出名是愛妻號的Brian早前更斥資近半億買下渣甸山獨立屋送給愛妻，新居豪裝一年多已經入伙，兩公婆更花盡心思設計BB房。據知情者透露：「Brian好錫Kary，成日都會諗驚喜氹老婆，之前Kary睇到架波子話好鍾意，Brian就偷偷地訂車仲係Kary最鍾意嘅黑色送畀佢，渣甸山呢間愛巢，佢同Kary第一次睇已經好鍾意，Brian即刻扑槌買，間屋裝修咗年幾，佢哋將BB房布置到成個遊樂園咁，話等BB大啲可以多啲地方走動同多啲嘢玩，設計得好有心思！」
挺巨肚買家品
4月，本刊影到Kary就陀住金叵羅出巡，雖然老公唔喺身邊，都派咗朋友陪住Kary出入，唔畀Kary獨自行事。當日Kary去中環睇家品，已經陀B 8個月的她，個肚好有份量，不過本身身形纖瘦，亦得天獨厚長胎唔肥人，手腳仍然纖幼，快做媽咪的她，揀床單質料睇得好仔細，更不停攞起食具研究，明顯為做新手媽咪做足準備。睇了一小時有唔少收穫，友人就幫Kary攞住戰利品送佢去搭的士回家。
另一日，兩公婆恩愛出動，陪Kary安胎的Brian揸車載Kary去香港仔，不過為免老婆操勞，Brian要Kary留在車廂等他，見他從車尾箱攞出一個鞋盒，行上了一座大廈，之後急急落樓再會合老婆，由他負責揸車載老婆一齊返渣甸山寓所。
送完老婆返屋企，Brian再一個人行落山徑放狗，搶晒屋企家頭細務做，Brian絕對係超級體貼好老公。
吳雨霏心情大靚 大展零孕味衣著
正專心養胎嘅吳雨霏喺IG分享一張近照，並透露而家懷孕心情「心情好 甚麼都好 #星期一不blue #goodvibesonly」相中吳雨霏戴上黑超，仲着上黑色短袖卡通Tee大擺甫士，睇得出作為大肚婆嘅佢除咗型到爆之餘，心情真係相當靚啵！唔知係咪着呢件黑衫遮得好，就算個foucs 容易會放左肚個位置嘅公仔到都好，個肚都唔算話好現形，難怪粉絲見到都要讚吳雨霏索咗兼有型！
大肚身形依然纖瘦
陀b六個多月的吳雨霏上載孕照，睇落佢雙手仲係好幼，未出現口腫面腫現象之外，面形依然keep得好靚。無論係著住白色定黑色t-shirt嘅吳雨霏，個肚睇落都只係微微隆起，陀B可以佗到咁fit認真羨慕死人～
16年曾經小產
吳雨霏在2016年被傳小產，惟新聞爆出後Kary一路冇承認及否認，直至同年11月3日Kary終於在社交網站首度為事件開腔，與老公洪立熙（Brian）發表一篇長文章講述小產經過、發生不幸的事後兩夫婦如何一起走過黑暗的日子，及再期待小生命的降臨！
其實Kary和Brian兩公婆都好鍾意小朋友，兩人2015年1月在美國註冊，7月意大利行禮，2016年2月成功陀B，但懷胎個多月不幸流產，令一直恨做媽媽的Kary大受打擊，一直停工休息，而Brian亦放下工作陪Kary度假散心。經過大半年休養，Kary終於收拾心情，身體已回復最佳狀態，兩公婆趁住假期飛到有蜜月聖地之稱的北海道二世古，再度開行turbo造人！
去完二世古再度蜜月，Kary繼續同老公朝夕相對，又跟老公到跑馬地一間日本餐廳撐枱腳，Kary要調理身體，食清淡的日本菜就最啱。而為生B Kary亦開始谷肥自己，叫到成枱食物，食到唔停口，身型亦唔再得棚骨，有番肉地做足準備催孕！
食完晚飯離開餐廳去取車，雖然只是一條街之隔，但兩公婆在街頭纏綿，時而十指緊扣，時而攬到實如連體嬰，煙韌到爆！結果佢哋勤力造人下，一撃即中……
