吳若希30歲背住老公調戲健身教練 興奮過度反而令場面尷尬！

30歲吳若希公然「調戲」健身教練

30歲吳若希已誕下兩名仔女，不過她沒有停下演藝事業發展，積極運動修身應付幕前演出。日前她上載一段影片分享自己常去的健身室，途中她的靚仔教練Andy亂入，吳若希即刻心心眼變返少女傻笑，仲不時大讚對方靚仔。吳若希大讚對方好「打耳」（得意），而且對眼好靚，仲話要效法「威威豬」，幫佢成立fans club。

吳若希興奮過度：我成日都入去你後花園

吳若希見到靚仔教練失晒魂，邀請對方入鏡拍片之餘，更查家宅問對方住邊。教練大方回應自己住南區，笑言海洋公園是自己的後花園，興奮的吳若希神回應：「我成日都入去你後花園！」此話一出令現場氣氛尷尬，她即刻打圓場：「點解呢句說話好似怪怪地……」除咗講「後花園」，吳若希仲喺教練講緊練出「線條感」的時候，突然爆seed話：「有啲線條我諗我改善唔到，除咗我去做手術，即係隆胸呀……」

睇片重溫吳若希「調戲」靚仔教練：

吳若希積極修身晒拍靚相

吳若希積極修身應付幕前演出，不過原來佢都想趁青春留倩影。她在IG分享自己好多時想試影性感相但會怕尷尬，她慶幸找到全女班製作團隊，大家有互相自然很多。吳若希將來可能會在社交平台分享更多靚相，實行做靚媽。