吳若希大爆老公曾送花俾情敵 對方有99支花 佢得…
撰文：東方新地｜圖片：Instagram
吳若希大爆老公曾送花俾情敵
日前，吳若希出席新歌宣傳活動，對於背叛問題，Jinny似乎又一次有感而發，表示自己感覺如果喺感情上被人背叛，就會有如撕心裂肺嘅感覺！佢仲話老公何兆鴻（Alex）曾經就令佢有呢種心痛，不過未至於背叛。
對方有99支花 吳若希得…
Jinny透露當年老公追求佢嘅時候，竟然喺情人節送花俾其他女仔，又有送花俾佢，但對方有99支，而佢卻只得18支！
之後Jinny就梗係唔服氣，問番Alex點解，但最後係得唔到回答，仲話因為男人都係避而不談喎！
Jinny更坦言當時好嬲，不過依家再提起都係得啖笑，笑指老公同佢講：「放心啦！以後一定會多過99朵㗎啦！」，而且依家每年送101支，呢件事變成咗佢哋兩公婆之間嘅一件小趣事，雖然好尷尬，但覺得好搞笑咁話喎！
吳若希唔考慮香港國際學校
Jinny話依家唔會因為呢件事而唔開心，因為心中最高地位嘅係個女。提到囡囡，佢表示已經幫囡囡申請學前班，但若冇心儀學校收囡囡，就會俾阿女報讀澳門嘅國際學校。至於唔考慮香港嘅國際學校嘅原因，Jinny就話太貴學費，冇錢喎！
吳若希自揭曾經被老公背叛
日前，吳若希（Jinny）去到電台宣傳新歌《為何你要背叛我》，期間她接受傳媒訪問時突然有感而發，指自己當年與老公仍是拍拖階級時曾遭對方感情上的背叛！她提及由於自己對感情相當認真，而當時知道對方一啲嘢，故即使要開工，但依然於電視城一廠門口不停打電話畀對方！
Jinny更直言指自己在懷孕期間都仍未原諒老公，但當年她陀BB時頗為無理取鬧，例如早上六點要食炒飯，不喜歡新屋，直接搬去第二間，但老公都處處忍讓，當下就覺得可以付託畀對方，才下了啖氣！
不過，原來除了老公，Jinny同時大爆自己曾有另一段感情都遭到背叛！然而，她笑指對方亦已經消失於天地之間，但希望他可以在該段感情後學習到新的體會，並於日後做人處事更生生性性。
另一邊廂，Jinny透露早前就與朋友一齊夾錢買了匹馬，但該馬只有於其中一場贏得第四名，故她希望將來可以有經濟能力再買多一匹馬。
吳若希想參加探訪活動
早前去到九龍一間中學分享閱讀及聲演心得，Jinny表示自己分享咗一本有關陳美齡去非洲探訪嘅書籍，仲話自己都有合作嘅慈善機構，但就未有類似探訪計劃，所以若然有機會都好想試下參加探訪活動。
Jinny於接受傳媒訪問時，透露平日同囡囡溝通會用上多種語言，例如佢同囡囡會用廣東話，工人姐姐就會同佢講英文，而親戚就會用國語，仲笑指有時都幾亂下！
吳若希大呻與老公造人久未成功
然言，早前曾表示會同老公質極造人嘅Jinny就大呻，指自己同老公已經試咗一個月都未得，仲話老公唔勤力都冇辦法！其後，Jinny就解釋話因為佢同老公不時分隔兩地，而且有咗小朋友之後大家都放少咗時間喺對方身上！
吳若希老公補求婚
之前，Jinny喺IG上載一張巨型鑽戒相，佢留言話：「7。23 我的人生，好像所有時序都是錯的，生完孩子，補結婚。結婚後快一年，我又突然收到了求婚戒指和驚喜派對。還好，時間錯的，人是對的，謝謝你，希望能拿餘生報答你的愛。」
Jinny透露隻戒指係由老公同品牌一齊設計，又話：「#我的朋友真的用盡了畢生演技#還有突然現身的家人#傻眼到一個點！」睇嚟Alex安排咗個大驚喜畀老婆！
自爆作嘔
吳若希自從有咗BB後搬咗去澳門同Alex一齊住，即使陀住BB到之後生完復工，都係經常港澳兩邊走，搭船過大海當食生菜，不過日前佢自爆搭船暈船浪作嘔，當時已有網友問佢係咪有咗⋯
暗示有咗？
之後Jinny喺IG上載張淼淼同另一位小朋友同狗仔玩嘅相，留言話：「看到小可愛們的互動，都可以感受到滿滿的愛！喬喬一定會是一個很好的姐姐！淼淼也要快點努力學當一個好姐姐啦！」唔止作嘔，又叫囡囡學做好姐姐？唔少網友見到Jinny咁講，估佢係咪有第二胎，紛紛向佢送上恭喜同祝福！
正當大家等Jinny公布好消息，但當事人否認有咗！不過點睇Jinny都會再追多一個嘅，淼淼等做姐姐啦⋯
吳若希自從生咗BB做咗人老婆後，似乎收咗火，早幾日Alex踢完波腳痛，Jinny幫老公做按摩，感動到喊咁話！
生日蛋糕寫錯名
講開Alex，佢個人都幾有趣！早前老婆26歲生日，佢分享咗一張老公送嘅生日蛋糕相喺個人社交網，但奇怪地個生日牌上面寫住嘅並唔係吳若希個名，反而寫住：「My Lovely WiFa and Mother Happy Birthday」連壽星女都要留言話：「 不知道為什麼我老公叫我#wifa 要不然就是寫蛋糕牌的人手誤～要不然就是老公想送蛋糕給另外一個人～」
老公一於懶理去解釋
相反，吳若希老公Alex就冇諗住解釋個蛋糕點解會寫住「WiFa」，反而上載咗張老婆背影照上網，並笑指自己好開心咁同老婆講生日快樂，但佢就冇咩反應，只顧專心練新歌，仲話老婆似鐘意佢啲粉絲多過自己老公喎～
吳若希賀囡囡1歲生日 全家遊樂園慶祝
早前係佢哋囡囡Giselle一歲生日，吳若希一家三口去廸士尼慶祝，Jinny喺ig貼上合照，穿上藍白系列親子裝，大手拉小手好溫馨。
Jinny話﹕「這個小心肝才剛學走幾步，就學人站得那麼囂張，寶貝寶貝，祝願你繼續快樂地長大。」
Jinny喺社交平台貼家庭照，同老公齊齊啜囡囡面珠仔，佢留言﹕「一個多月前就和全家人安排了這幾天的行程，不是什麼紀念日、不是什麼頒獎禮，而是我女兒的第一個生日！」
Jinny老公Alex亦有留言﹕「1歲後的第1天。這一年你過得開心和幸福嗎？爸爸媽媽很愛你，我們都會給你最好的照顧，最好的關心。1年前你這個時候還需要爸爸媽媽抱著你，1年後你已經要拖著爸爸媽媽的手自己行，下1年你會進步到什麼情況？不論你變成怎樣，你(Giselle)一直都是爸爸媽媽的心肝寶貝。Happy birthday my princess!」
吳若希自從同老公Alex Ho結婚生埋囡囡Giselle後，減少工作、專心湊女，做個好老婆、好媽媽。
吳若希說囡囡一雙腿的比例好長，將來也會有雙長腿！
<style=”color: #ff0000;”>孖丁子朗加入《森美旅行團2》吳若希 相思病發 掛住囡囡</>
TVB開拍《森美旅行團2》，除了有上次的舊團友麥美恩Mayanne，還有歌手吳若希Jinny和新人丁子朗，和這些舊團友、新團友合作後，未知會否有新火花，其中做咗人媽咪嘅吳若希在拍攝期間相思病發作好掛住囡囡淼淼！
辛苦各位團友！你地繼續努力～💪🏻💪🏻香港見😘😘😘😘#孫悟空 #我知我知 #佢地好嬲
jinnyng（@jinnyng）分享的貼文 於張貼
森美話：「要找聰明又醒目的拍檔難，但要找到這種搞笑的同伴做出有趣的節目更難，故我很有信心今次《森美旅行團2》會比第一輯更有趣！」咁真係拭目以待喇！
連日拍攝，Jinny不時貼上日本拍攝花絮到IG，Jinny透露在京都時開始有相思病，唔使問當然掛住囡囡同闊少老公Alex Ho啦！
下一站，去哪兒？ #森美旅行團2 #我在京都的日子 #相思病 #病發
jinnyng（@jinnyng）分享的貼文 於張貼
