吳若希仿效方力申「168斷食減肥法」 1星期搣甩4磅趕復出

文：東方新地 ｜圖：吳若希IG、方力申IG、新傳媒圖庫、Alex Ho IG、@uniqhoto、@Uncle Ming Newborn Baby Photography

1星期搣甩4磅

吳若希（Jinny）早前細仔Kylian滿月時宣布要積極減肥收身，不過因疫情關係，健身室及美容院被迫關閉，令她的收身計劃進度受阻。但日前Jinny在IG自爆仿效方力申分享的「168斷食減肥法」，「168斷食減肥法」屬間歇性斷食方法（Intermittent Fasting），「16」是1 天有16小時連續不進食，「8」是在其餘8小時可以自由選擇想吃的食物。吳若希試驗1 星期，日前在IG分享成果：「我就冇戒澱粉質，一星期之前我係61kg，依家上磅，我輕咗2kg，依家係59.1kg。」吳若希成功1星期搣甩2kg（約4.4磅）。早前Jinny在細仔Kylian滿月時，已定下產後瘦身目標要減10kg，為將來復出工作做好準備。

自爆細仔中文名同婦科醫生有關

吳若希（Jinny）11月再誕下細仔Kylian，順利湊成一個「好」字，日前趁細仔滿月於IG晒首張一家四口全家福，非常溫馨。Jinny留言指十分滿意張全家福：「我好鍾意呢張相，反映咗成家人各自嘅性格， 爸爸就內斂，媽媽好開心，家姐好貼心，弟弟就依然沉醉喺自己嘅世界！」Jinny在IG順便爆埋細仔中文名：「可以叫他阿樂或者樂樂（取這個名字其中一個原因是覺得我的婦科醫生實在是太好了）！」唔知老公知道有冇呷醋呢？

ALex認錯：老婆，對唔住！

吳若希早前在家中坐月休養，Alex亦好識做幫手買餸分擔家務，為免老公冇記性，事前特意寫好一張購物清單，點知Alex因為誤解清單上嘅符號，搞到買漏嘢，Alex要在IG公開認錯：「老婆，對唔住，可能我唔知條線係『等於符號』我買少咗。」所以話做人老公甚艱難！