吳若希一家三口遊樂園 賀囡囡1歲生日
廣告
吳若希(Jinny)去年為澳門闊少老公何兆鴻(Alex)誕下囡囡淼淼(Giselle)，轉眼間囡囡Giselle已經1歲喇，Jinny日前同老公Alex帶同囡囡去主題樂園遊玩兼慶生，享受家庭樂，另外又搵攝影師幫囡囡影輯1歲寫真留念，真係Sweet⋯
撰文：東方新地
吳若希賀囡囡1歲生日 全家遊樂園慶祝
日前係Giselle一歲生日，吳若希一家三口去廸士尼慶祝，Jinny喺ig貼上合照，穿上藍白系列親子裝，大手拉小手好溫馨。Jinny話﹕「這個小心肝才剛學走幾步，就學人站得那麼囂張，寶貝寶貝，祝願你繼續快樂地長大。」
Jinny喺社交平台貼家庭照，同老公齊齊啜囡囡面珠仔，佢留言﹕「一個多月前就和全家人安排了這幾天的行程，不是什麼紀念日、不是什麼頒獎禮，而是我女兒的第一個生日！」
Jinny老公Alex今日亦留言﹕「1歲後的第1天。這一年你過得開心和幸福嗎？爸爸媽媽很愛你，我們都會給你最好的照顧，最好的關心。1年前你這個時候還需要爸爸媽媽抱著你，1年後你已經要拖著爸爸媽媽的手自己行，下1年你會進步到什麼情況？不論你變成怎樣，你(Giselle)一直都是爸爸媽媽的心肝寶貝。Happy birthday my princess!」
吳若希自從同老公Alex Ho結婚生埋囡囡Giselle後，減少工作、專心湊女，做個好老婆、好媽媽。
