吳綺莉撲加國搶卓林 拒賣大埔舊居
最新消息，卓林同Andi去咗加拿大，更拍片放上網表示無家可歸，全面操控卓林的Andi，原來還越洋向吳綺莉苛索每月萬元生活費！可憐單親媽媽吳綺莉一個人留港著急，更計劃飛加拿大搶女，希望勸掂卓林回心轉意返家。
撰文：東方新地｜圖片：新傳媒圖片庫
吳綺莉 打掃舊居等女
18年前堅持己見生下小龍女卓林後，吳綺莉的生活就一直圍繞住愛女一個人轉，當年為提供寧靜生活搬回老家上海居住、11年又為搵食和女兒搬回香港定居。奈何女大女世界，卓林去年出櫃與年齡相差十多歲加籍網紅Andi同居，兩母女形影不離相依為命日子從此暫告一段落。卓林幾個月前同女友Andi出走加拿大，吳綺莉好友郭秀雲爆料指Andi母親曾越洋致電吳綺莉求生活費，據知苛索每月萬元生活費，據知金額至少超過5萬。
一直啞忍想低調勸女回頭的吳綺莉，當見到卓林拍片放上網，吳既心痛又忍唔住開腔指卓林女友Andi價值觀有問題：「佢30幾歲人，做過老師兼有社會經驗，去引導一個18歲，完全冇經驗嘅年輕人拍片，相信係一個錯誤價值觀。我覺得冇錢生活應該去搵工作，而唔係拍片話畀人知自己冇錢，自己爸爸係邊個！」本來一直想閂埋房門解決母女關係，又怕卓林反感而一直讓步，但卓林在Andi的操控下的行徑，以及Andi母女夾擊苛索，吳綺莉忍無可忍，已部署飛加國搶女，希望勸掂卓林返港。
雖然去年已搬入2016年一炮過以1,575萬購入的大坑豪宅，但吳綺莉仍手持位於大埔大美篤的三層村屋，即使有人開價千七萬，她亦拒絕放售，據知情者透露：「之前有人開價千七萬想買佢間村屋，係佢買嗰陣嘅三倍價錢有多，但Elaine點都唔肯賣，佢話嗰度係佢返香港定居時買嘅第一間屋，嗰時卓林得12歲，一來舊居有好多佢同個女嘅開心回憶，二來Elaine話如果卓林返嚟想有私人空間，間屋會留畀個女住，依家卓林唔喺身邊，佢成日都會返舊居打掃，等個女返嚟隨時有得住。」
日前本刊就發現吳綺莉一個人在住所附近購買貓糧餵飽家中「主子」，平時個人社交網絡亦是離不開畫畫與兩隻愛貓玩耍，以及自種茄子、生菜消磨時間。表面充實又從宗教上找到慰藉，其實吳綺莉仍非常擔心失聯幾個月的卓林，一邊到處求助希望取得聯絡外，一邊帶埋家傭到大埔舊居打掃除草，做定準備等卓林回歸。
Andi 母女夾擊
為愛去到盡的卓林，和女友Andi拍片放上YouTude，罕有公開承認是成龍女兒，更表示自己有創傷後壓力症候群，同Andi已無家可歸一個月，曾報警、去過醫院、食物銀行及慈善機構求助，都冇人理會，完全受女友Andi操控的卓林，行為的確令人擔心！
