吳業坤貼陳年與G.E.M.合照被嘲「識你老鼠」 網民指搭路返大陸發展
文：東方新地｜圖：FB＠吳業坤NgYipKwan、IG@kwangorrrrrr
吳業坤在社交網貼出當年今日舊照，相中他和 G.E.M. 的舊照，坤哥寫道「痴線，果時GEM咁細個（雖然我都係），相片應是2020年11月二人被邀出席一個校花校草活動。當時坤哥參加《超級巨聲2》，而 16歲已出道的G.E.M.當時已漸有名氣﹗
坤哥貼出舊照引起好大回響，網民紛紛留言熱討，有網民抵死留言指 G.E.M.對坤哥「人地而家識你老鼠」，坤哥秒回「果時都唔識」，認同及自嘲宇宙G.E.M.「識佢老鼠」﹗
坤哥用G.E.M.合照成「每日活著嘅動力」
其後坤哥吳業坤又留言「睇Facebook個當年今日就係我每日活著嘅動力」，即有網民問坤哥揀「 喜歡G.E.M.定Chantel？」坤哥貼合照呃like卻令網民錯重點瘋狂鬧宇宙G.E.M.，恥笑「以前都幾好嘅，依家淨係識兒夜姨野以夜儀野」、「梗係識你老鼠，因為淨係識人民幣」。有網民問坤哥貼合照時否想返大陸發展，留言問「係咪想搭路返大陸先？」
網民：想返大陸發展？
網民：幫你tag佢吧，希望人哋會覆你
吳業坤冧掂55歲李麗珍 頭貼頭撐枱腳
「坤哥」吳業坤的緋聞對象遍布娛樂圈，被指由3歲到80歲的女性都冧得掂，原來連一代女神李麗珍都走唔甩！日前李麗珍就在社交網貼出同吳業坤約會撐枱腳的合照，相中更見到二人頭貼頭仲攬埋膊頭，非常親密！
吳業坤 認識李麗珍多年
李麗珍日前在社交網貼出同吳業坤約會撐枱腳的合照，相中更見到二人頭貼頭仲攬埋膊頭，非常親密，李麗珍仲留言話：「坤哥請客。」並加上有三個心心的笑臉emoji，令不少網友睇見都非常驚訝，指他們「大纜都扯唔埋」，狂問二人係點樣認識？
介紹人係陳國峰？
坤哥回覆傳媒查詢時，指他和李麗珍已認識了幾年，之前亦有出席過對方的生日會，而認識的原因，是兩人之間有一班common friends，其中一個就係李麗珍的健身教練陳國峰。坤哥話兩人間中都會一齊食飯，今次係因為班common friends入面有一個開了一間日本餐廳，所以才有了這次「飯聚」。
坤哥又提到李麗珍近日憑電影《濁水漂流》入圍金馬獎最佳女配角獎，大讚李麗珍在演戲方面絕對是他的前輩，因此希望能和對方合作拍戲，向她學習一下演技。
坤哥最叻冧女 曾食家燕姐口水尾
出名口甜舌滑的坤哥，緋聞對象由15歲的Chantel（姚焯菲）到71歲的「家燕姐」薛家燕，範圍非常廣闊，曾經夠膽死當家燕姐係𡃁妹咁撩，爭住食家燕姐口水尾、食完話可以間接接吻、仲冧到爆話：「仲有餘溫」㖭！
