型爸親湊5歲女返學！吳彥祖近照驚現M字額
撰文：Kammy(原文刊於：SUNDAY KISS)｜編輯：東方新地｜ 圖片：微博、Lisa.S、吳彥祖@ig 、淅江衛視漂亮的房子微博
男神變廿四孝爸爸
現年44歲嘅吳彥祖（Daniel），一直畀外界稱為「國際級男神」。Daniel於2010年同拍拖8年嘅名模Lisa S.結婚，婚後兩年就生咗Raven，一家三口依家返回Daniel嘅老家美國加州奧克蘭定居，家庭生活非常美滿！
吳彥祖護送「前世情人」返學
近日，就有網民上載一條短片，喺奧克蘭市野生捕獲經典男神吳彥祖送囡囡返學校，仲留言：「朋友送小孩上幼兒園偶遇男神吳彥祖，原來男神住OAKLAND市，離男神這麼近。」
片段中Daniel頭戴棒球帽，身穿黑灰色運動外套，企喺幼稚園門口，而囡囡Raven就着住件短袖衫跑入門口，非常活潑！Daniel雖然喺囡囡身後蹺埋雙手，但就一直一臉情深咁望住囡囡，對眼從未離開過囡囡，仲用溫柔語氣同Raven講嘢，畫面十分溫馨。
唔經唔覺Raven已經5歲，一眾網民一讚佢樣子甜美，愈大愈靚，真係遺傳到父母嘅優良基因。網民仲好羨慕可以見到Daniel，更話「男神看女兒一臉寵溺」、「男神就是男神，送女兒上學都特別帥」。
吳彥祖罕有晒囡囡正面照 5歲就識睇經濟雜誌！？
吳彥祖早前在社交網上罕有哋晒出囡囡吳斐然的近照，相中Raven自己一個坐在後排的兒童座椅上專心看著時政雜誌。偷拍女兒的吳彥祖笑言，5歲的女兒最近關注中美貿易戰，是因為擔心影響心愛玩具的售價。
She’s worried about these trade embargoes affecting the price of L.O.L. Surprise dolls and Shopkins.
其實Raven剛出生時，吳彥祖同太太Lisa S.仍會不時曬出女兒萌萌的溫馨照片，但隨著孩子長大，為了保護女兒，夫妻倆也逐漸減少在社交網曬B的舉動。這次吳彥祖罕見PO出Raven正面照，網友除了感到驚喜外，也忍不住大讚「年紀細細就關心經濟」、「大個女，開始擔心買唔起玩具」、「長大一定似爸爸係學霸」。
Lisa S.與吳彥祖 美國愛爾蘭兩邊走
Lisa S.和吳彥祖一家三口返回Daniel的老家美國加州奧克蘭定居，Daniel的父母亦在當地，現因他的拍攝工作關係暫居愛爾蘭首都都柏林。Lisa很享受一家三口在當地低調生活，還有馬兒的陪伴，因策騎是她的最大嗜好。早前在接受本刊訪問時，Lisa就表示「我在加州和愛爾蘭都是每日騎馬，而且無人識我，出街不用化妝打扮，與香港的生活截然不同。我在加州會參加馬術比賽，目標想奪冠軍！」
同囡囡一齊做運動，愛女心切嘅Daniel視線一直離唔開囡囡。
吳彥祖絕不是Mr. Cool
Daniel近年常在中、美、愛爾蘭三邊走，試過有兩個月在中國拍攝真人騷，接著在愛爾蘭拍攝多兩個月，非常掛念在美國的妻女！Lisa覺得作為太太最重要連繫好一家人的感情，而且小朋友需要從爸爸身上學習，尤其女兒會從爸爸學習男女關係。
出名有型有款的Daniel，予人Mr. Cool感覺，Lisa為老公澄清，他實際是非常熱情和謙遜，是他見過最搞笑的人之一。「他對朋友非常開放，喜歡高聲說話。但面對不熟悉的人，他顯得較怕醜，而且他不喜歡談及自己，因他從不覺得自己特別出色，所以他每次上台成為焦點仍感到不習慣，令外界誤會他為人冷漠。」
女兒樣子似爸爸 性格似媽媽
Lisa形容他們兩夫妻的性格一凹一凸，彼此互補不足，「他平衡了我，我亦令他的生活變得有趣。我們的性格相反，亦因此夾得來，他很努力工作，態度專業、專注；我就比較瘋狂、傻氣及健談。」Lisa覺得女兒Raven性格比較似她，樣子則像爸爸多一點。「她個性親切、開朗，可以和任何人說話，好容易結交朋友，還有她個人好有態度，這點最似我！」Lisa笑稱不介意囡囡個樣似Daniel，「我喜歡他的樣子才嫁給他呢！她有著我們的結合，所以她長得好看！」
Lisa又形容自己是一名辣媽，相反Daniel對著女兒卻融化成一攤水，「個女對他說甚麼，他就全身軟了。」Lisa指Raven的「小辣椒」性格似足她，但她不是做Model的材料，對鏡頭興趣不大，喜歡我行我素，不喜歡聽指令。
吳彥祖大晒16歲靚仔有型相 自揭有脫髮危機？！
吳彥祖一向係公認嘅靚仔男神，不過日前佢喺個人社交網同大家分享一張16歲時嘅相，，留言指：「found this in my Dad’s wallet. I must be about 16? I wish I had all that hair back.」，睇嚟現年44歲嘅男神Daniel好似擔心梗自己會有脫髮危機喎！
謝霆鋒、吳彥祖曬21年前對比照完全無老過
早前，謝霆鋒請咗男神吳彥祖到希臘錄製節目，仲post咗一張同吳彥祖嘅合照，重點係旁邊加咗一張20年前《新古惑仔之少年激鬥篇》嘅對比圖，擺返相同pose添！呢張圖令網民都不禁大讚：：「完全無老過！」、「越來越型啊！」，兩位男神都keep得好好，完全冇歲月既行跡，說如網民所形容，食了防腐劑咁呀！
而吳彥祖都有在instagram po二人合照：「我來希臘三天是因為當謝霆鋒美食旅遊節目的嘉賓。還記得我們第一次見面是在電影《新古惑仔之少年激鬥篇》，當時我們還很年輕，他17歲，我23歲。」仲話：「我們也是時候製作新的《特警新人類》嗎？」相信大家都會好期待兩人在港產片再次的合體！
吳彥祖罕有晒囡囡正面照
之前，Daniel罕有上載5歲大囡囡Raven的最新近照上個人社交網，見到Raven坐喺私家車後座，手拎一本《News China》雜誌好專心咁閱讀，Daniel留言表示：「She’s worried about these trade embargoes affecting the price of L.O.L. Surprise dolls and Shopkins.」指Raven好擔心中美貿易戰會影響到佢心愛玩具的價格，十分搞笑！
網民激讚：又靚又叻！
有網民就指Raven咁細個就已經關心國際時政，睇時事財經雜誌，大讚認真叻女！
同場加映！吳彥祖設計星空圖書館 入圍「建築界奧斯卡」
內地真人騷《漂亮的房子》中，男神吳彥祖夥拍建築師張海翱並帶領其他藝人大展身手，遠赴河北木蘭圍場，為當地的孩子及牧民建築一座公共圖書館。圖書館不但外觀一流，可作居住用途，更厲害的是呢座圖書館更入圍被譽為「建築界奧斯卡」的英國皇家建築師學會獎，得到行內權威的肯定，非常厲害！
浙江衛視熱門節目《漂亮的房子》，節目由吳彥祖率領五位藝人包括馮德倫、唐藝昕、伊一、黄仁德及潘宥誠組成施工隊，聯同資深建築師張海翱，遠赴浙江、安徽、福建等地為老舊的房子進行大改造。
吳彥祖名校建築系出身
咁點解節目會邀請吳彥祖作為團隊的領導？吳彥祖高大有型係男神就眾所周知，但其實佢出身美國名校俄勒岡大學(University of Oregon)建築系，係名副其實的建築專才，自然成為《漂亮的房子》的不二人選！吳彥祖在節目中被稱為「吳工」，不時發揮在建築設計及木工方面的優秀技能，事事親力親為，專注工作的男人真係man到爆！
「雙環蒙古包」圖書館
而今次節目中的壓軸作品，並唔係為舊房子翻新，而係由吳彥祖領導的團隊由零開始建造！呢座外貌獨特的圖書館位於內蒙古草原接壤的木蘭圍場，一望無際的大草原，有不少農牧人家居住於此。於是吳彥祖想到以傳統蒙古包作藍本，室內設計則加入現代意念，最後建築師張海翱採用了「雙環蒙古包」設計，象徵吉祥如意的「雙環」。
入圍「建築界奧斯卡」
圖書館又被稱作「星空圖書館」，屋頂設計成一個「觀星閣」，人們晚上可透過玻璃頂夜觀星空；天窗亦是採光口，日間令室內更加明亮，又靚又環保！更厲害係入圍了被譽為「建築界奧斯卡」的英國皇家建築師學會獎，認真巴閉！
圖書館中除了寬敞、舒適的公共空間，另外更有六個方形盒子設計的房間，作為睡房、餐廳、客廳等，全部都採用落地玻璃窗設計，人們可飽覽美不勝收的草原景色！
夜晚睇就更靚，喺一片荒蕪大草原中非常耀眼！
