吳啟華享受寡佬生活 寧願拍散拖
廣告
吳啟華離婚後要付前妻石洋子贍養費，又要養女兒、前岳母及供養父母，開支甚大。近年他工作不斷，經常中港兩邊走，拍劇、拍電影、登台、商演乜都做，又在內地投資連鎖甜品店，生意愈做愈大，足以應付龐大支出。
撰文：東方新地｜圖片：新傳媒圖片庫、吳啟華微博
吳啟華 寧願拍散拖
回復鑽石王老五的吳啟華，53歲保養得宜，官仔骨骨仍深受異性歡迎，要交女友應該易過借火，失婚後他曾被影到有女伴陪出trip到三亞共晉早餐，不過至今他都不認有拖拍，早前被問到有沒有追求對象，吳啟華直言很享受現時單身狀態，不會找一名固定女伴，更不打算再次結婚，寧願拍散拖。
對於再搵第二春，吳啟華亦耍手擰頭：「唔好啩，我唔係好想搵，呢啲都係算啦，拍吓散拖算，唔好搵個最愛，一陣最愛又麻煩。」如此看來，前妻石洋子在他心中仍佔有一定位置，至於第二最愛，應該會係麻雀。
全日打牌
早前本刊記者在尖東捕獲吳啟華，當日下午時分已見他在一間酒樓內打麻雀，現場分兩枱共八人，打到晚上七時左右埋枱食晚飯，之後再繼續打。期間見吳啟華不時皺眉又頻頻托頭，看來這日他手風麻麻，打到眼都攰又要除眼鏡，至晚上11時許終於散場，他仍走去隔籬枱觀戰一陣才捨得離開，可見他牌癮甚大。吳啟華打完牌並沒有即時返家，可能打麻雀消耗太多精力，他駕車去油麻地果欄掃了一大袋生果回家慢慢滋潤補充養份。
關鍵詞
吳啟華
