袁偉豪同「朱凌凌」吳偉豪撞名出事 被網民話「細」 袁偉豪咁回應…

編輯：東方新地｜原文：New Monday｜圖片：袁偉豪IG、《2007香港先生選舉》、《鐵探》、《城寨英雄》、《愛回家》劇照及截圖

吳偉豪不雅影片流出 袁偉豪都畀人話「細」！？

近年憑TVB處境劇《愛‧回家之開心速遞》中「朱凌凌」一角色成功「入屋」的TVB藝員吳偉豪（Ricco），日前疑有一條約12秒的自拍全裸影片流出，不過可能網民睇得太快，搞到誤會以為係同無綫另一位藝人袁偉豪（Benjamin）。

袁偉豪（Ben）嘅Facebook被誤會嘅網民湧至留言，有人取笑咁話「剛剛睇到你XX，原來咁細」、亦有人指責摘偉豪嘅行為稱：「其實點解要沖涼玩自拍？結咗婚就應該檢點啲」。

不過，人哋袁偉豪都擔正拍過幾套劇，當然有唔少粉絲啦。有好多粉絲見到偶像被誤會，都隨即代為澄清：「嗰個係愛回家朱00」、「點錯相」、「認錯人，笑死」。

而袁偉豪最後可能不堪其擾，親自現身回覆網民稱：「認錯人」。簡單直接嘅三個字，再配上一個大笑emoji。之後有傳媒嘗試聯絡袁偉豪打算訪問，攞更詳細嘅回覆佢都冇應機，相信佢都唔想再回應呢啲烏龍嘢啦。

兩個偉豪差別頗大 吳偉豪已報警求助

袁偉豪1997年當選「Yes!校花校草選舉」校草，其後開始參與人體素描模特兒和參演電影，又曾客串多部著名電影，包括：《烈火戰車2極速傳說》、《賭俠1999》、《無間道》。到了2007年，袁偉豪參選《香港先生選舉》奪得冠軍，並簽約TVB。

2016年，袁偉豪憑《城寨英雄》「段迎風」一角而人氣急升。2018年，袁偉豪自資推出個人全裸寫真集《Benontheroad》，引起網民討論。

2019年，袁偉豪於《鐵探》一劇擔正成為男主角，並在2020年與張寶兒結婚。

而網上瘋傳嘅12秒不雅影片，被眼尖嘅網友踢爆係《愛‧回家之開心速遞》飾演「朱凌凌」而上位嘅吳偉豪。無綫高層樂易玲表示吳偉豪已與家人就此事報警求助。

讀藝員訓練班出身的吳偉豪，近年憑演出《愛‧回家之開心速遞》上位，他在劇中飾演「金城安」（周嘉洛飾）好友「朱凌凌」。