泰國度假玩水 陳敏之晒6個月靚肚
廣告
陀B仔約6個月的陳敏之，日前同大班好朋友去泰國度假，包括梁烈唯兩公婆同《東張西望》主持容羨媛等，一行十幾人包咗間超豪private villa，屋內有私人大泳池，唔使同人迫都可以玩水開P。難得relax，敏之亦來個大解放，着三點式大晒6個月靚肚，更放上網同粉絲開心share！不過晒還晒，靚媽千祈咪凍親呀！
延伸閱讀：
林作唔認拍拖 麥明詩：佢想點講就點講
《巨輪II》陳凱琳登場 觀眾插演技浮誇
敏之上周五與老公William、唯唯兩公婆等好友出發度假，最初敏之只係企池邊影下靚相，後來愈着愈少布，今朝更使出最後一激，着三點式晒白滑靚肚！雖然敏之現時已陀B約6個月，但未見手腫腳腫，而且上圍亦明顯升cup，不愧為得天獨厚的索腿天后！
除了每日曬太陽同游水，好動敏之亦有與唯唯老婆、同樣陀B的Tina打乒乓波，大住肚都冇時停！敏之同Tina相當老友，早前約埋一齊做產檢，確保BB一齊正常。有個愛運動的靚媽，相信敏之囝囝一定又健康又活潑！
