被封全日本最索的士司機 原水著女優生田佳那
撰文：東方新地｜圖片：新傳媒、Instagram
香港搭的士一肚氣？
今時今日大家鍾意咩都放上網講，遇到不快經歷後唔少人會上網狂呻、公審，其中大多都係喺交通工具上發生，地鐵唔讓座、巴士飛站、的士司機冇禮貌、揀客乜乜乜。但如果個的士司機係模特兒級靚女，樣靚身材正，你又介唔介意俾佢兜路呢？唔係小編FF、唔係A片情節，日本真係有！
被封全日本最索的士司機 原水著女優生田佳那
講緊呢位日本女的士司機名叫生田佳那，芳齡26歲，本身係一位模特兒，憑住甜美的臉蛋及嬌小可愛的身驅，喺唔少廣告同雜誌寫真都有其蹤影。不過作為一個新晉模特兒，收入並唔穩定，所以生田喺偶然機會下參加了計程車公司「飛鳥交通」的「飛鳥交通夢想計劃」，而且通過咗合格率僅有兩成的考試，所以就順利成為一個的士司機！
女神級司機 好想幫襯
網民見到就紛紛表示想坐女神架的士仲話「好樂意被兜路」，仲好衰咁問佢「會唔會着泳衣開工」！唔怕話埋俾大家知，生田會喺澀谷、青山、惠比壽及中目黒一帶開工，想一睹女神風釆的朋友不妨去東京旅行時碰碰運氣！
延伸閱讀：
連登仔坐的士去京都清水寺 點知司機去咗……
早前有網民於討論區投訴日本的士司機，指自己在日本旅遊人生路不熟，故打算坐的士去京都著名景點清水寺。由於不懂日文，樓主上車時就向司機出示了清水寺的網上圖片，結果⋯⋯
司機冇做錯到！
樓主一落車就知唔對路，不知名的街頭、零遊客，冇任何稱得上「寺」的建築物！樓主再向司機出示圖片，只見司機不停按車上的顯示屏，再駛至下一個街口，叫樓主下車再向右走一段路。好啦，最後搵到一座同熟悉的紅牆清水寺完全不一樣、白色牆兩層高的建築物，但個牌匾又真係寫著「清水寺」……
盛惠252港元 樓主落車超傻眼
樓主事後上載一張的士收據，指今次車費一點都唔平，車程共收費3610日元，即大約是252港元。
網友齊撐的士司機 真・清水寺
小編同唔少網民都覺得，又真係唔怪得個司機，因為真係去咗「清水寺」嘛！更有網民笑司機沒有帶樓主找清水健（日本AV男優）已經算不錯。
眼尖網民大發現 由東京出發到京都清水寺!?
另外有網民就發現，樓主在東京上車，而目的地清水寺則為於京都，就算坐新幹線都需時三小時，的士更可能要五小時以上。情況等同在深圳坐的士去北京，根本不可能有司機會載。而且費用一定比原本的貴好多倍！
不過樓主表示，佢上車時已經出示「京都清水寺」的圖片，不明白點解司機唔同自己講，反而帶佢去不知名的地方。有網民亦指出由東京去京都必先經過名古屋，很多時都會與乘客商量，在中間站再轉一次的士，有機會只是司機誤會了。
