叱咤2023｜一文睇清7大花生位姜濤唱到狂喘氣、MIRROR失落組合獎扁晒嘴

一文直擊現場7大花生位：

叱咤2023｜1. 胡楓驚喜登場感性發言惹全場鼓掌

今晚的開場表演由林家軒自彈自唱陳奕迅《歌頌》，「老闆仔」黃梓樂和鍾雪瑩都接著出場，最後胡楓驚喜登場，分別唱出黎明《哪有一天不想你》和張學友《愛是永恆》，最後一番感性發言感動不少現場的觀眾和網民：

今年係我90歲生日，希望我可以繼續我嘅演藝生活，永不言休。最後希望在坐嘅各位，身體健康、生活愉快，OK嗎？

叱咤2023｜2. Jeffrey勇奪新人金 Live表現嚇窒網民

Jeffrey魏浚笙今年推出《遺忘了初心的我們》、《失約巴黎》、《Never Say Never》、《我的世界地圖》等4首派台歌，令他成功勇奪「叱咤樂壇生力軍男歌手」金獎。勇奪男新人金的Jeffrey在台上大方多謝女朋友，更唱出今年冠軍歌《失約巴黎》，表現超穩定嚇窒一班網民：「Jeffrey唱得咁好，之後鏡真係大壓力」、「見佢平時傻下傻下，原來都真係唱得幾好」、「煨sir完勝好多在場嘅歌手」等。至於兩年前的男新人金獎的MC張天賦，今晚就憑《世一》奪得「叱咤樂壇我最喜愛的歌曲大獎」第八位，帶病上陣的MC雖然一出場被指黑面，但依然表現得非常穩定，同樣獲網民力讚。

叱咤2023 Jeffrey今年勇奪男新人金！ — Jeffrey今年勇奪男新人金！（圖片來源：東方新地）

叱咤2023 網民都大讚Jeffrey今晚Live唱得超好！ — 網民都大讚Jeffrey今晚Live唱得超好！（圖片來源：東方新地）

叱咤2023 喺後台更忍唔住喊咗出嚟！ — 喺後台更忍唔住喊咗出嚟！（圖片來源：東方新地）

叱咤2023 至於兩年前的男新人金獎的MC張天賦，今晚就憑《世一》奪得「叱咤樂壇我最喜愛的歌曲大獎」第八位，帶病上陣的MC依然表現的非常穩定，獲網民力讚。 — 至於兩年前的男新人金獎的MC張天賦，今晚就憑《世一》奪得「叱咤樂壇我最喜愛的歌曲大獎」第八位，帶病上陣的MC依然表現的非常穩定，獲網民力讚。（圖片來源：直播截圖）

叱咤2023 MC張天賦奪男歌手銀獎時為自己澄清，指當時冇諗過自己會攞歌曲獎，所以先會食住喉糖上台。 — MC張天賦奪男歌手銀獎時為自己澄清，指當時冇諗過自己會攞歌曲獎，所以先會食住喉糖上台。（圖片來源：直播截圖）

叱咤2023｜3. 姜濤表演唱到喘曬氣

去年在叱咤表演《鏡中鏡》時暴走落台亂嗌遭力插，被斥不尊重舞台。今年憑《濤》奪得「專業推介．叱吒十大第六位」的姜濤就冷靜好多，上台取過獎項後，只簡單多謝《濤》的製作團隊和MIRROR，就開始表演得獎歌《濤》。雖然今年沒有暴走落台亂嗌，但就在台上唱到喘曬氣，令網民都睇到戥佢覺得辛苦。

叱咤2023 姜濤姜濤自早前叱咤頒獎禮後久未露面。 — MIRROR成員姜濤去年因在《叱咤樂壇流行榜頒獎典禮2022》中暴走落台亂嗌遭力插，被斥不尊重舞台。（圖片來源：YouTube@商業電台 Hong Kong Toolbar）

叱咤2023 今年姜濤表現得好冷靜。 — 今年姜濤表現得好冷靜。（圖片來源：直播截圖）

叱咤2023｜4.「職場欺凌KOL」艾粒頒獎期間玩棟篤笑

去年犯上「職場欺凌」指控的艾粒在頒獎期間又講棟篤笑，在頒發「叱咤樂壇至尊金曲」時瘋狂令台下歌手開玩笑，不但指住Anson Lo話「好白」，又話Anson Lo首《On》不斷重複歌名；之後又點名笑Nancy Kwai 歸綽嶢、Jay Fung、肥仔等人，最後更用港普取笑周杰倫同五月天，睇到網民都話覺得好尷尬：「串AL係紙扎公仔？」、「快L啲啦，都唔知做乜」、「唔好當做節目咁亂up啦，你哋上台亂up真係唔好笑」、「竟然夠膽講五月天？」等。

叱咤2023 艾粒頒發「叱咤樂壇至尊金曲」瘋狂攞台下歌手開玩笑。 — 艾粒頒發「叱咤樂壇至尊金曲」瘋狂攞台下歌手開玩笑。（圖片來源：東方新地）

叱咤2023 竟然大膽拿Anson Lo開玩笑！ — 竟然大膽拿Anson Lo開玩笑！（圖片來源：直播截圖）

叱咤2023｜5. 黃偉文第十次獲「叱咤樂壇填詞人大獎」

黃偉文第10次再次勇奪「叱咤樂壇填詞人大獎」，由於身在外國未能親身出席頒獎典禮，今年就由吳君如特登飛到法國將獎項交給Wyman，Wyman再於法國埃菲爾鐵塔前發表得獎感想：

令我好開心係舊年有10幾個冇同我合作嘅歌手，將佢哋嘅作品、旋律交咗畀我，必須有新嘅化學作用，我先可以將我啲煙花填上一啲新嘅顏色。第10次拎呢個獎，我覺得呢個獎越嚟越難攞，難攞唔係因為新人輩出、競爭好大，香港係一個好奇妙嘅地方，其實一路以嚟都無缺乏犀利嘅填詞人，所以一直以來競爭都好難。真正令我覺得難嘅地方，係我覺得宜家做填詞人愈來愈唔容易，難在你要適應時代變化，最重要嘅係要忠於自己，真係好難，真係好難。不過怕難，我就唔做填詞人喇！正如今日喺台下有好多人都會明白我，怕難，我哋就唔做廣東歌啦！最後我要多謝嘅係繼續支持廣東歌嘅人，係你哋好兼容嘅愛，先畀到新舊嘅香港音樂人做佢哋相信嘅音樂，繼續將廣東歌做到傳承，而且將呢種咁意想不到嘅藝術形式，帶到咁遠、咁遠嘅地方。

叱咤2023 今年由吳君如將獎項帶到法國交給Wyman。 — 今年由吳君如將獎項帶到法國交給Wyman。（圖片來源：直播截圖）

叱咤2023 Wyman今年第十次獲得「叱咤樂壇填詞人大獎」。 — Wyman今年第十次獲得「叱咤樂壇填詞人大獎」。（圖片來源：直播截圖）

叱咤2023｜6. MIRROR失落「叱咤樂壇組合獎」

連續三年獲得「專業推介」組合奬，去年更勇奪「叱咤樂壇組合金獎」的人氣組合MIRROR，今年竟然輸給銅獎的COLLAR、銀獎的Lolly Talk、和金獎的Dear Jane，令不少網民都跌破眼鏡。雖然失落「叱咤樂壇組合獎」，但MIRROR最後都有捧走「叱咤我最喜愛組合獎」，不過上到台就每個都好似苦瓜乾咁，人人都扁曬嘴，睇到鏡粉們都好心痛！