叱咤2023｜炎明熹自爆收起性感原因 同家人慶祝要再排期

叱咤2023｜炎明熹自爆收起性感原因

炎明熹早前出席《新城勁爆頒獎禮2023》時的造型超級進取，不過昨晚出席《叱咤樂壇流行榜頒獎典禮2023》時就明顯「小氣」咗好多！炎明熹以一身包到上頸的綠色連身裙造型登場，完全冇睇頭……

炎明熹接受訪問時透露自己幾鍾意性感造型，不過今晚突然收起性感原來是因為與造型師的諗法唔一樣！而Gigi亦表示造型師提供了3套服裝給自己選擇：「一套係好大紅色有啲花嘅，第二套就係依家呢套，另外一套就係黑嘅，但係會若隱若現有啲露腿咁。」

叱咤2023｜炎明熹奪獎超驚喜 歌手獎仍需努力

炎明熹在昨晚的頒獎禮中憑歌曲《Little Magic》勇奪「專業推介叱咤十大」第十位，Gigi在訪問時指得獎是一份好大嘅禮物：「非常之神奇，冇諗過可以攞到其中一個歌曲獎項」，亦稱會繼續努力做好音樂回饋歌迷！

而曾奪得新人獎的炎明熹，對於向女歌手獎進發的目標則表示：「呢一個我要繼續加油啊」。更再一次感謝大家的支持：「好多謝大家的支持，我先可以攞到呢個獎項，所以歌手獎我諗我真係要繼續努力更加多」。

叱咤2023｜炎明熹透露未有時間與家人慶祝

2023年的樂壇成績表已經出爐，而炎明熹今年在不同的頒獎禮中都有收穫，十分叻女！當被問到會不會與家人慶祝時，Gigi就表示：「暫時都未有機會住，我諗要再遲啲，因為我接住落嚟未必會喺香港」，不過就未有透露會去邊到。