叱咤樂壇2022 | 林家謙《邊一個發明了ENCORE》奪至尊歌曲大獎 以歌提自己
2022年專業推介．叱咤十大
第十位：《Freakin’ Nightmare》｜歌手：馮允謙
3月即將開騷的馮允謙說：「我完全估唔到，非常開心攞到呢個獎，因為我真係好想唱歌！」
第九位：《我也難過的》｜歌手：吳林峰／謝芊彤
謝芊彤：「多謝吳林峰、多謝小克。」
吳林峰：「好似首歌咁，將難過留番去舊年，今年更好，更快樂咁過，我想大家聽到謝芊彤嘅聲音，佢被天使吻過嘅聲音，我終於可以話自己係歌手，我係吳林峰！」
第八位：《笑住喊》｜歌手：Gareth.T（湯令山）
Gareth.T：「我冇諗過會攞。想多謝幾位好好朋友，呢啲moment，就算喊，都要笑住喊，多謝填詞嘅林海峰！」
第七位：《留一天與你喘息》｜歌手：Ian陳卓賢
陳卓賢：「多謝903，多謝鐘意呢首歌嘅你哋，多謝填詞、監製，呢首歌係自己寫嘅歌list入面義意好重大，好多謝你哋。多謝MIRROR！」
第六位：《下流社會》｜歌手：陳蕾
陳蕾：「多謝廸偉，多謝商台播咁多《下流社會》。第一次攞十大歌曲，好感動，多謝編曲監製Mike Orange，我有一段時間寫唔到歌，得到佢鼓勵，原來第一次包辦詞曲創作，係咁感動嘅事。」
第五位：《憶年》｜歌手：謝安琪
謝安琪：「新年快樂，我要好多謝作曲編曲監製，多謝T-Rexx加爸爸角色，眼觀依家呢個社會，爸爸係帶我認識呢個社會嘅人，爸爸已經90歲入咗醫院，記憶力衰退，所以呢首歌好有意思，我要將呢首歌送畀爸爸，將記憶都送畀呢個爸爸，唔好唔記得我，唔記得呢個城巿，我嘅聲帶受損，未必可以為大家演唱，我將時間送畀下一位歌手，慢慢講。」
第四位：《鏡中鏡》｜歌手：姜濤
姜濤：「多謝作曲Gareth.T，多謝填詞小克，多謝魯生花姐，多謝MIRROR。我都想豪氣少少畀下一位，因為我想講嘅嘢，已經係首歌講咗！」
第三位：《到底發生過什麼事》｜歌手：Dear Jane
Dear Jane：「係搜尋器打『到』字真係search到？多謝華納唱片、多謝Wyman，我哋當時已經做好咗首歌嘅master，Wyman打嚟話想最尾嗰句改多幾個字，我話已幾master咗，可能就係呢首歌最尾嘅命運。好開心攞到呢個獎，可以表演畀大家聽！對上一次攞到呢個獎係《Yellow Fever》，已經係幾年前。」
第二位：《小心地滑》｜歌手：MC張天賦
MC：「世界上有好多地板，但係上嚟呢到條地板係你地舖。」
叱咤樂壇至尊歌曲大獎：《邊一個發明了ENCORE》｜歌手：林家謙
林家謙：「要多謝叱咤903，要多謝每個播呢首歌嘅DJ。多謝Wyman，開頭唔諗住專門寫一首歌係演唱會演唱，但後來可以由encore延伸到人生呢個大課題，演唱會嗰度更可以任性地放風笛落去，因為我覺得風笛好代表美好嘅光景年華。我希呢隻歌，畀大家提醒，畀自己提醒，唔係美好嘅嘢都可以encore，embrace依家嘅一切，失去就由佢離開，唔使刻意填補缺，有時人生有遺憾先完整，好嘅壞嘅都記住，記住開心，記住失落，先會記得克服過，加油！」
重溫林家謙去年《叱咤》曾奪5獎成個人大贏家
其實林家謙去年於的叱咤總共奪得5個獎項，包括「咤樂壇男歌手-銀獎」、「叱咤樂壇唱作人-金獎」「叱咤樂壇作曲人大獎」、「叱咤樂壇編曲人大獎」、亦憑作品《神奇的糊塗魔藥》奪得「專業推介叱咤十大：第五位」，是個人獎項的大贏家。
2021叱咤樂壇至尊歌曲大獎：
《Ciao》｜歌手：RubberBand
專業推介．叱咤十大：
第二位：《BOSS》｜歌手：MIRROR
第三位：《俏郎君》｜歌手：張敬軒
第四位：《多喝水》｜歌手：鄭融
第五位：《神奇的糊塗魔藥》｜歌手：林家謙
第六位：《狂人日記》｜歌手：柳應廷
第七位：《集合吧! 地球保衛隊》｜歌手：C AllStar
第八位：《風的形狀》｜歌手：岑寧兒
第九位：《Magahit》｜歌手：盧瀚霆
第十位：《荊棘海》｜歌手：泳兒
