叱咤樂壇2022｜MIRROR+COLLAR同奪組合大獎鄭欣宜奪女金為大滿貫再下一城

鄭欣宜第二年奪女金

鄭欣宜今年冧庄奪「叱咤樂壇女歌手金獎」，她指過去2022年是個很迷惘的一年，但幸好可以將自己的迷失記錄在音樂之中：「好多人話鄭欣宜堅強，但係唔係我強，係我嘅信念比我強大，所以迷失時仍可以選擇相信。」明顯手狂震的欣宜笑指自己比去年首奪更為緊張，又指去年做了許多虐心歌，希望來年能夠做更多開心的作品。

泳兒入行17年終奪女歌手獎爆喊

入行17年的泳兒未上台已經爆喊，她哭著謂：「我用咗17年時間，終於拎到女歌手獎。我知道我行得比其他人慢，但係我行得好踏實，成為一個fighter。」泳兒以自身作例子給大家鼓勵，叫大家要堅持下去為自己創造奇跡。去年奪「叱咤樂壇女歌手銀獎」的黃妍今年「降呢」只得女歌手銅獎，但她上台時仍然非常感動：「我好感恩可以再次登上呢個台，會繼續努力將我所有嘢放到我首歌裡面。」

COLLAR與MIRROR同奪組合獎

COLLAR繼「叱咤樂壇生力軍組合金獎」後，再下一城奪得「叱咤樂壇組合銅獎」，隊長阿Gao表示：「相信經歷令我哋強壯，COLLAR係唔會放棄，我哋會繼續勇往直前，做我哋要做嘅俾大家睇。」而師兄MIRROR則大熱奪得「叱咤樂壇組合金獎」，副隊長AK（江𤒹生）代替染疫缺席的Lokman（楊樂文）發表感言：「今年我哋唔齊人上嚟呢個舞台，但今年我哋比起以往加團結，我哋一齊經歷、面對咗面對好多事情，多謝公司、『魯金花』，多謝你哋嘅幫助同伴陪。」MIRROR更特別點名師妹：「好開心今日可以同COLLAR一齊登上呢個舞台，希望2023年可以做更多好歌帶俾大家。」到演唱《Innerspace》前，AK笑言要進行一個「隆重而簡單嘅儀式」，就是邀請腳傷剛癒的「姜哥」姜濤把獎項帶到台下休息。

林家謙自嘲聲音似鐵閘聲

「叱咤樂壇男歌手」金、銀、銅三位得獎男歌手分別是林家謙、馮允謙、MC張天賦。馮允謙今年三月於紅館舉行演唱會，他表示為此等了11年，又叫大家要緊持自己，不要在意他人目光，夢想總會實現。得到金獎的林家謙則指自己很怕得到這個獎項，因為自知聲音不是大眾所喜愛的，又指自己會上網看網民對他聲音的意見：「有人話似破地獄、電音或者拉鐵閘，都幾生動，有時飲醉酒聽返都會覺得似。」一向喜歡獨來獨往的他又自爆，早前處理政府文件時，在填寫公司資料也只是寫他自己一個人名。

黃偉文勇奪填詞人：千其唔好頒終身成就獎俾我

此外，今年一共寫出24首冠軍歌的黃偉文，今年再次勇奪「叱咤樂壇填詞人大獎」。身在外國的黃偉文今年未能親身出席頒獎典禮，所以預先拍片講得獎感受。片中的黃偉文身穿黃色襯衫，講出長達三分鐘的感言：「我想借呢次機會，多謝我從來未係呢個台多謝過嘅人，亦都好擔心之後會冇機會多謝嘅人。我唔係擔心之後冇獎攞，或者冇頒獎禮去，而係呢幾年我學識重要嘅嘢要喺失去之前好好記住。所以想提大家，千其唔好等我死咗先頒終身成就獎俾我啊，我可以話俾大家知我死咗之後一定唔會去攞獎。」