台慶大獎2022｜ 75歲汪明荃拎走終極大獎變「汪阿車」網民質疑有內情！
廣告
每年《萬千星輝賀台慶》的抽獎環節，都係全台藝員最期待的員工福利，亦係三四線藝人上位的機會日，去年得獎者由2018年港姐李芷晴（Stephanie）奪得，奪獎一刻得到司儀麥美恩擁抱加持成為焦點，不過今年就冇人敢搶終極大獎得主汪明荃的風頭，汪阿姐最後一個抽車匙，成為電動車的主人，不過之後就惹來網民質疑。
今日（25日）汪明荃便於IG分途在TVB駕駛比亞迪的感受，她發布了多張照片，並寫道：「今日終於取了新車！是國內車比亞迪新款電車，我駛著新車，繞了電視城一圈，初步的感覺是車的設計很前衛，而且車內非常安靜，待車牌發下來，就帶家英哥一起兜兜風！」
汪明荃壓軸抽中自己
每年台慶大獎都是全台藝員最期待的一刻，今年台慶尾聲的終極大獎是一輛電動車，並由阿姐汪明荃抽出有機會抽車的藝員，估唔到汪明荃最後一個竟抽到自己，而有份角逐大獎的還有今年著得好性感的黃嘉雯及丁子朗，由於是跟次序來抽車匙，邊條電腦匙能開到車門就成為車主，汪明荃最後一個抽匙，其實前面的藝人抽匙時，在場的主持已不停叫喊：「邊個敢拎走阿姐架車？」結果到汪明荃開門時，條電腦匙本來都係開唔到，擾攘了一陣終於開到，阿姐即興奮坐上車。
汪阿姐變汪阿車
今年汪阿姐成為終極大獎得主，本來應承會好似去年一樣出來攬實得獎者的麥美恩唔見影，而個節目亦趕住收場，唔似去年一樣大家都為得獎者咁高興。汪阿姐變汪阿姐後，網民亦紛紛留言，有人話覺得「送車造假」，認為條條車匙都係開唔到，是幕後有人操控開車門。
睇吓班網民點講
麥皓兒有運拎走30萬
除了終極大獎拎走電動車，台慶夜仲抽出「台慶大利是」—銀行送出存款港幣，結果由前落選港姐麥皓兒拎走30萬元，不過她原來只是小組代表，獲獎後要與幾位藝人瓜分，即是每人分幾萬。
出名闊綽的TVB每逢台慶都「重鎚出擊」在觀眾面前獎勵藝人，由最初送車送樓變到送存款戶口加獎品，有人因此上樓做業主，重溫過去25年有那些幸運兒啦！
2020年陳曉華得獎：上海商業銀行慧通理財存款戶口+千足黃金總值$380,000
2019邱晴得獎：上海商業銀行慧通理財存款戶口總值$520,000
2018年黃庭鋒奪獎做業主：上海商業銀行慧通理財存款戶口總值$510,000
2017年得獎者係朱敏瀚女友：獎金獎品總值$1,000,000
2016得獎者李嘉 獎金獎品總值$1,000,000
2015「將軍澳范冰冰」于淼得獎 ：獎金獎品總值$1,000,000
2014年 黎諾懿結婚嗰年奪獎金獎品總值$1,000,000
2013：英籍前TVB藝員獲81萬8千豪華電梯洋房
2012《大太監》視帝祥奪獎金獎品總值$1,000,000
2011得獎者鄧健泓獲 獎金獎品總值$1,000,000（包括：儲蓄戶口總值$200,000）
2010得獎者羅鈞滿：獎金獎品總值$1,000,000（包括：儲蓄戶口總值$200,000）
2009得獎者張韋怡：獎金獎品總值$1,000,000（包括：儲蓄戶口總值$200,000）
2008年得獎者王君馨：儲蓄戶口及TVB信用卡免找數簽賬額 總值港幣$200,000
2007年得獎者江芷妮：儲蓄戶口及TVB信用卡免找數簽賬額 總值港幣$200,000
2006年得獎者 甄志強：儲蓄戶口及TVB信用卡免找數簽賬額 總值港幣$390,000
2005得獎者陳霽平：儲蓄戶口及TVB信用卡免找數簽賬額總值港幣$380,000
2004得獎者唐寧：樟木頭豪華洋房連俱樂部會籍總值$600,000
2003得獎者潘芳芳：樟木頭住宅單位
2002得獎者羅敏莊：樟木頭住宅單位$600,000及現金$60,000
2001得獎者陳敏之：樟木頭住宅單位$600,000及現金$150,000
2000得獎者蔡子健：番禺豪華洋房連俱樂部會籍總值$500,000
1999得獎者郭晉安：樟木頭豪華洋房連俱樂部會籍總值$600,000
1998得獎者陳彥行：碧桂園花園洋房一套及會籍總值$500,000
1997得獎者薛家燕：旺角影樓式商務單位價值$1,900,000
1996得獎者阮兆祥：現金$200,000
撰文：東方新地圖片來源：TVB影片截圖、TVB 娛樂新聞台
