演高海寧助手 《反黑》首播 吳嘉儀鎅刀插腳留醫骨科
撰文、圖片：東方新地
無綫新劇《反黑路人甲》正式推出，，唔少劇中演員都非常興奮，不過飾演高海寧助手Kitty嘅吳嘉儀（阿七），尋日卻發生家居意外整傷腳，見佢左腳腳趾雖然已有沙布包紮，但依然見到流晒血！佢怕嚇親人，仲專登將相片變黑白。
其實早幾日阿七已在社交網透露搬屋，仲多謝各方好友送贈傢俬電器，又點估得到，執屋會整傷腳入院吖！原來佢搬屋時太心急，想盡快砌好傢俬入伙，用把鎅刀拆箱太大力一拉，成把鎅刀飛高再插咗落腳面，連地板都一地血。
見佢留言透露有微燒，現時正留院：「昨天自己不小心發生了家居意外受傷了，心情不好，有微發燒。由博愛醫院轉送到屯門醫院檢測觀察，留院一晚，檢測結果negatvie（陰性），現在留醫骨科，希望可以盡快聯針回家。」相信她所指嘅檢測結果應該係新冠肺炎，網民都祝福佢早日康復！
入行僅五年的吳嘉儀（阿七）去年先後以《好日子》及《金宵大廈》兩劇中的搶眼角色而人氣急升，今年她更有不少演出機會，在 無綫新劇《迷網》中，她就飾演一名網絡科技調查組警員，是楊明及陳曉華的下屬，比以往的角色有更多戲份，上位在望!
吳嘉儀憑《 愛 ‧ 回家》為人認識
吳嘉儀2015年自香港演藝學院戲劇藝術學士畢業後，便參加無綫藝員訓練班，翌年因演出《 愛 ‧ 回家之八時入席 》「 嘉莉 」一角，與「 Terry 」李偉健有感情線，而開始為人所認識，更因貌似《 東張西望 》節目外景主持李旻芳，而被安排做兩姊妹。
不吝嗇33C好身材 IG派福利
吳嘉儀擁有33C 豐滿上圍，擁有Fit爆身形的她，表示已和男友講掂數，可以在社交上不時貼出健康性感照，她笑言：「我覺得要趁30歲之前展露最佳狀態畀人睇，唔通60歲先嚟晒身材咩！」
