去邊啊Do姐︱5大男神坐鎮卻反應慘淡網民列節目3大死因：夾農夫好睇好多

《去邊啊Do姐》收視得3點 Do姐：對收視冇期望

Do姐在去年10月離開TVB，離巢後一度表示有興趣與其他電視台合拍旅遊節目，到12月就宣布獲HOY TV邀請合作拍《去邊啊Do姐》，並表示會聯同五大男神一齊去旅行。對於收視不如意，Do姐早前出席活動時回應指今時不同往日，現時有很多網上平台，難以單靠收視的數字去計算，因此本來就對節目沒有任何收視期望，拍得開心最重要。

去邊啊Do姐《去邊啊Do姐》陣容鼎盛，在開播前便已經備受期待。 — 《去邊啊Do姐》陣容鼎盛，在開播前便已經備受期待。（圖片來源：大會提供）

去邊啊Do姐對於收視只錄得3點，Do姐回應指本來就對節目沒有任何收視期望，拍得開心最重要。 — 對於收視只錄得3點，Do姐回應指本來就對節目沒有任何收視期望，拍得開心最重要。（圖片來源：Youtube@Viu1 HK）

網民歸納3大死因︱Do姐與5位型男互動尷尬零火花

《去邊啊Do姐》播出後，不少網民都在社交平台討論節目收視低的真正原因。網民指雖然5大男神嘉賓夠吸睛，但可能因為嘉賓們都是新晉歌手，沒有太多拍外景節目的經驗，再加上同Do姐交情亦沒有太深，導致互動尷尬之餘又零火花：「節目真係好悶，佢哋互動真係好生硬同尷尬」、「啲新人個個都驚講錯嘢被Do姐窒，表現得非常唔自然，尷尷尬尬咁」、「全部冇一個係識搞笑嘅梗緊係悶啦」等等。亦有網民認為，自從Do姐以往的旅遊節目爆紅之後，推出的節目都是以同一方程式去製作，卻唯獨人與人之間的化學反應是無法被複製的。

do姐去邊啊do姐鄭裕玲Do姐）主持的HOY TV全新旅遊節目《去邊啊Do姐》邀請到5位人氣男神。 — 鄭裕玲（Do姐）主持的HOY TV全新旅遊節目《去邊啊Do姐》邀請到5位人氣男神。（圖片來源：IG@do_do_cheng）

去邊啊Do姐網民都表示一眾嘉賓都驚畀Do姐鬧，搞到互動好尷尬。 — 網民都表示一眾嘉賓都驚畀Do姐鬧，搞到互動好尷尬。（圖片來源：HOTV截圖）

去邊啊Do姐其中以拍節目經驗最多的Jeffrey最自然。 — 其中以拍節目經驗最多的Jeffrey最自然。（圖片來源：HOTV截圖）

網民歸納3大死因︱節目內容太膚淺似飲食節目居多

網民批評節目剪接和拍攝方法都節目氣氛變得更沉悶，內容亦太膚淺，每個景點都只用幾句輕輕帶過，猶如走馬看花：「老實講成個製作都有問題，剪接同拍攝手法好差，氣氛尷尬，極沉悶，內容無重點太散亂，根本似飲食節目多過旅遊節目，講2句又食，每個所謂嘅景點都係講幾句帶過又跳下一度，基本想冇一個令人深刻/記得嘅位」、「睇完連喺邊都未知，又唔寫清楚地址」等等。

去邊啊Do姐網民都話似係飲食節目多過旅遊節目。 — 網民都話似係飲食節目多過旅遊節目。（圖片來源：HOTV截圖）

網民歸納3大死因︱景點毫無吸引力同一廁所已被ViuTV介紹過

網民亦認為節目中所介紹的景點冇特別之餘又毫無吸引力，其中與Jeffrey到日本所參觀的「森之小徑」公廁更被發現原來早在ViuTV《人去公廁我去公廁》已被介紹過：「介紹廁所，大佬，我去旅行都唔會去參觀廁所啦」、「ViuTV之前已經有個節目係介紹廁所，佢仲要介紹同一間，有冇cheap成咁呀？」、「啲景點又唔特別，介紹又唔深入」等。

去邊啊Do姐旅遊節目竟然介紹公廁。 — 旅遊節目竟然介紹公廁。（圖片來源：HOTV截圖）

去邊啊Do姐仲畀網民發現已經喺ViuTV介紹過。 — 仲畀網民發現已經喺ViuTV介紹過。（圖片來源：ViuTV截圖）

網民：都係夾農夫好睇好多

有不少網民表示看完新節目《去邊啊Do姐》後，都非常懷念Do姐和農夫陸永同C君的合作，直言Do姐和農夫的合作有更多火花，紛紛留言表示：「同農夫嗰陣真係好好笑」、「自從Do姐同農夫去旅行成功後，大家一直想複製同一方程式，但有時人同人嘅化學反應係無得複製」、「真係視乎夾邊個夾農夫肯定有好多笑位，尤其係和C君既談話，令到我笑到喊」等。農夫同Do姐合作拍旅遊節目期間，爆肚爆出多句金句，例如「Do Did Done」至今依然深受網民喜愛！