《勁歌金曲》正式停播蔡楓華回歸埋尾重溫3大尷尬位關家姐拎錯獎成回憶

May 17 2023

向《勁歌金曲》說再見！由80年代開始首播嘅TVB音樂節目《勁歌金曲》即將走入歷史，星期日嘅特備節目《勁歌43年情．讓音樂高飛》將為《勁歌》畫上句號，而元祖首代主持蔡楓華亦會現身節目，分享當年擔任主持嘅點點滴滴。即將再展開音樂會嘅蔡楓華，坦言對見證節目開始同結束感到可惜，佢又話當中有唔少感觸，仲話當年有大量外景拍攝，亦獨自擔大旗主持，而季選等重要節目就曾同俞琤、盧敏儀等合作。曾因為節目有機會訪問「大姑媽」 Elton John 而印象非常深刻，而當年翁美玲接受訪問之後就離世，同樣令佢覺得非常可惜。

勁歌金曲黃宗澤勁歌金曲元祖首代主持蔡楓華返咗嚟，仲會主持節目。 — 元祖首代主持蔡楓華返咗嚟，仲會主持節目。（圖片來源：TVB）

勁歌金曲黃宗澤《勁歌金曲》即將走入歷史。 — 《勁歌金曲》即將走入歷史。（圖片來源：TVB）

蔡楓華難忘訪問翁美玲

蔡楓華提到曾經訪問當年無綫一線花旦翁美玲，「我覺得最難忘肯定係翁美玲，因為我同佢做完嗰次訪問之後，無幾耐佢就過咗身喇，呢個係我好難忘記嘅。佢個人幾得意㗎喎，我同佢做完訪問，就叫佢同我一齊去一個老友嘅婚禮，我哋就一齊去喇。」

勁歌金曲黃宗澤勁歌金曲翁美玲翁美玲的離開，令不少人深感遺憾。 — 翁美玲的離開，令不少人深感遺憾。（圖片來源：新傳媒照片庫）

《勁歌》主持愈來愈頹

《勁歌》主持其實唔止得崔建邦，過往好多有份量歌星都做過！例如劉德華、周慧敏、李克勤、呂方、古巨基等。2000年有何韻詩、at17、鄧健泓；2011年改由糖妹、金剛上陣，翌年換上崔建邦及朱千雪。之後巨聲幫及星夢幫冒起，成員吳業坤、譚嘉儀、胡鴻鈞、何雁詩、許廷鏗、吳若希、謝東閔、羅鈞滿、鄭世豪、姚兵、林師傑及鄭俊弘輪流主持，近年《勁歌金曲》收視麻麻，有指係因為網民已經對小圈子節目同頒獎禮覺得無吸引力。

關心妍攞錯獎黃宗澤唱《K歌之王》

過往勁歌頒獎禮出現不少經典場面，2008，曾志偉宣布關菊英得到「傑出表現獎」金獎，此時關心妍竟然來到台中「領獎」。雖然當時崔建邦解釋說二人同樣姓關，互相祝賀，但尷尬程度足以令一代樂迷記憶猶新。同年，黃宗澤在頒獎禮表演留下黑歷史，即場被抽中與陳奕迅合唱《K歌之王》，結果被網友恥笑唱功爭太遠！

勁歌金曲黃宗澤當年Bosco唱《K歌之王》，到依家唔少人討論。 — 當年Bosco唱《K歌之王》，到依家唔少人討論。（圖片來源：畫面截圖）

勁歌金曲黃宗澤同Eason合唱係有壓力。 — 同Eason合唱係有壓力。（圖片來源：影片截圖）

曾志偉上任救亡《勁歌》向四大唱片破冰

至2021年，曾志偉上任TVB高層，諗計將《勁歌》起死回生，除咗主動同四大唱片公司破冰，仲改革《勁歌》，包括邀請音樂人組成「導賞團」，與現場觀眾互動。在新版《勁歌金曲》錄影，無綫曾找來尖酸刻薄的DJ陳海琪擔任節目的「音樂選民」，何雁詩上台唱完新歌〈灰夠〉之後，被陳海琪批評得體無完膚，面對突如其來尖銳的抨擊，何雁詩當眾爆喊！唔少網友當時負評如潮，此為對歌手唔太尊重。