傳有喜朱麗倩陪出席歌迷聚會劉德華開腔：我每晚都好努力

劉德華父母齊慶祝

正當大家想恭喜華仔之際，華仔周六(9日) 現身九龍灣舉行嘅「2018華仔天地30周年晚會」時，親自開腔回應傳聞，華仔話：「我都希望傳聞是真的！」又搞笑話：「每晚我都好努力！」雖然恨生B恨到出面，但就否認咗再做老竇。

華仔為年尾舉行的演唱會，下月要閉關準備，所以提前跟「家人們」慶祝歌迷會成立三十周年，據知當晚有來自世界各地的粉絲，華仔感激大家跟隨他三十年，然後劉爸爸、劉媽媽、太太朱麗倩及囡囡向蕙上台一起切蛋糕。

據知由細跟爸爸出席大型歌迷聚會嘅向蕙毫不怯場，表現淡定，之後華仔一口氣唱出多首歌曲，如小型演唱會！

9日劉德華出席「2018華仔天地30周年晚會」，上台時主動回應近日太太朱麗倩再度有喜嘅傳聞！

當晚十時半，太太朱麗倩和華仔先後登上保母車，未見囡囡，相信是較早時分安排先行離去！

劉爸爸和劉媽媽亦有出席，更上台一起切蛋糕，而劉爸爸更負責開香檳。

多年忠粉歐陽妙芝亦有份出席及上台，離開時還手持大會心型螢光棒。

華仔在停車場上車準備離去時，大批歌迷圍住保母車，華仔從保母車天窗企起身指揮交通，勸喻歌迷不要阻塞去路，又叮囑歌迷小心﹗有歌迷更搞笑地將華仔代言的盒裝飲品放車頂給華仔，華仔亦樂意接受好意！

日前華仔和太太朱麗倩出席囡囡幼稚園畢業禮，華仔一現身立即成為全場焦點，不停瘋狂影佢，但華仔未有理會亦不介意。

華仔每當見到囡囡上台就表現興奮，不其然站起身觀看，又跟太太相視而笑。

華子又肉緊望場館的大熒幕，似乎好緊張囡囡幾時出場！

華仔成套老西出席囡囡在灣仔伊館舉行的畢業禮，暑假後囡囡就升小一！

作為民選特首的劉華，早於入行前竟是個「洗頭仔」！除了曾於髮型屋工作外，他更於父親所開設的小食店中幫手，擔起家中的經濟。外表俊朗的他加入TVB藝訓班後便被力捧作「無線五虎將」。

貴為天王嘅華仔可以講係由基層出身而不斷努力嘅典範，佢出身於新界農村，6歲時搬到鑽石山嘅木屋區，但喺11歲時家園卻被大火燒毀，遷住寮屋，1年後再搬到藍田邨。

當年中六預科肄業嘅華仔，因入咗TVB藝員訓練班，結果就成為咗佢入行之路，至今一共參演了27部電視劇和超過140部電影，作品數量驚人。

依家56歲嘅華仔歌、影、視均見其影，多年嚟對香港電影及音樂貢獻良多，喺工作上嘅熱誠同認真，一定無可置疑。所以，今日華仔嘅成就，全憑個人驚人毅力同努力爭取番嚟。

關鍵詞