前亞視歌手頹look出席婚禮 網民：分明搏出位！
原文：環膠｜編輯：東方新地｜圖片：IG
前亞視歌手頹look出席婚禮
譚杏藍（小花）同Alice同樣都係youtuber，有共同話題、工作上又成日都接觸到，自然就傾得埋，更成為好朋友添！早前兩人都相繼出書，亦有互相支持對方！
大家咁好朋友，Alice就當然有邀請小花出席佢個婚禮啦！小花以為係普通觀禮，所以無盛妝打扮，點知去到見到全部人都打扮得花枝招展，全場衣香鬢影，先發現自已「跑錯場」！
小花表示當時著錯衫又大素顏，所以都唔敢搵新娘影相！佢仲參照「那年十八 母校舞會 站著如嘍囉」影咗張相抽自己水！
巴打們就唔太明點解可以著錯得咁離譜，大插小花話佢「唔知咩叫尊重」！
其他人出席婚禮都著得大方得體，反觀小花就…
小花平時出活動都會著得好得體，反而朋友嘅婚禮著到咁，巴打就覺得好有可疑！
雖然小花有解釋返平時出event服裝係由公司安排，而今次因為行程太趕，已經係一落機直刻9衝過去出席婚禮！但巴打們就覺得一切都係藉口，換過衫都著成咁，擺明就想「搶focus」，搏出位啦！
不過，新娘Alice就一啲都唔介意，指出「穿甚麼都沒關係，人來就好」！
延伸閱讀：
譚杏藍送波多野結衣俾男友
網絡上有大把粉絲的Hana，送生日禮物俾男友都係非一般！佢呢日喺IG分享自己送俾男友的生日禮物，竟然係著名AV女優波多野結衣的性玩具！佢留言大讚自己穩奪「100分女朋友大獎2017」：「男友生日，當然要送上原裝正版！波多野結衣 下體倒模”名器”一盒，更內附#波多野結衣的防水海報！確保玩得放心又安心！」
之後又語帶雙關咁話：「如此好物，也難怪他今早跑步狀態不佳！叫你如何不愛我」，認真鬼馬！
男友分享用後感
Hana同香港樂隊ToNick主音趙善恆(阿恆) 拍拖約四年，佢接受傳媒訪問時，自然被問到點解會送「波多野姐姐」俾男友啦！Hana笑說為ViuTV喺性商店拍攝新節目，所以順道買埋，佢雖然唔清楚男友鍾意邊個女優，但波多野結衣係男人的「fantasy」，應該係男人都鍾意佢，送佢肯定冇問題！
Hana又話送性玩具唔會尷尬，因為係人之常情，每個男仔都有需要！(但你作為女朋友幫唔到佢？) 而且男友收到禮物都覺得好開心，仲分享用後感，表示覺得好凍，都係用天然啲好！
