出爐影帝林家棟入行30年經典重溫

林家棟首奪影帝

今年49歲的家棟，今年憑《樹大招風》角逐第36屆金像獎最佳男主角，昨晚佢終於擊敗眾多勁敵，在天王黎明手中接過影帝獎座。適逢今年係家棟入行30年的重要日子，首奪影帝絕對係最好的禮物！家棟在台上發表感言，表示演戲係不問年齡、顏值的，最重要係用心做好角色，佢對自己係香港演員感到自豪！

家棟在《樹大招風》中飾演大賊王季正雄，佢將呢位危險人物駕馭得不慍不火，演出非常有深度，奪獎實至名歸！

回到1987年，家棟參加當年的第14期無綫藝員訓練班，同屆同學有黃德斌、劉錫明及雷宇揚等，同唔少現時的天王巨星一樣，都經歷做茄哩啡的歲月。捱足十年後，家棟終憑《樂壇插班生》扮張學友唱〈遙遠的她〉成功出位，成為一線小生，拍過唔少經典劇集！

1997年的《大鬧廣昌隆》係無綫常常重播的經典劇集，可謂港版的《人鬼情未了》，家棟在劇中分飾兩角，當中大隻廣與小芙蓉的一段情，相信上一輩的觀眾一定記得！

家棟的代表作《茶是故鄉濃》，佢亦憑劇中「鵪鶉仔」一角奪得「我最喜愛電視角色」獎！

《金裝四大才子》中的文徵明。

由於《茶是故鄉濃》大收，無綫再開拍同類劇集《酒是故鄉醇》，男主角仍是家棟，不過女主角則由張可頤換上佘詩曼。《酒》同時係家棟在無綫得告別作，此後佢正式離開大台，轉向電影界發展！

雖然成為無綫一線小生，但家棟其實一心希望拍電影，2001年獲當時開設電影公司的劉德華賞識，簽約成為首個旗下藝人。之後的16年間家棟再沒有回巢拍劇，經常在與劉華有關的電影中出現，甚麼閒角奸角都演出過。直至近年終於正式上位，多部大片都有佢份！

家棟簽約劉華後，即憑《愛君如夢》首次提名金像獎最佳男配角。

經典警匪片《無間道》中，家棟飾演一名警察，但實質係黑社會的臥底。

在《黑社會》、《黑社會以和為貴》飾演霸氣「東莞仔」，從此家棟成為杜Sir固定班底的演員之一。

《葉問》又點止「宇宙最強」甄子丹？家棟飾演的李釗本來係警察，但為了生存而做漢奸，不過其實心中存有正義，時常暗中幫助葉問。在片尾佢更奪槍殺死日軍軍官，大快人心！呢個亦正亦邪的角色亦為家棟帶來第28屆金像獎最佳男配角提名，可惜未能獲獎。

早年贏盡口碑、在各頒獎禮大放異彩的警匪片《寒戰》中，家棟飾演高級警司鄺智立，一度助城城罷免自己上司梁家輝，不過最終被安志杰殺死。家棟亦憑本片再次角逐最佳男配角，可惜同樣未能得獎。

家棟與劉華分別飾演兩大男主角的《風暴》。

家棟早年亦在《竊聽風雲3》飾演圍村惡霸陸建波，更與兄弟方中信的太太黃奕有染。

關鍵詞