冰上火花｜Ian因心臟問題冇得坐熱氣球熱身賽被嫌悶場：唔知做緊乜

《冰上火花》Ian冰場上仆親被笑花式綁鞋帶

記者會上一眾演員都穿著全副冰球裝備上場，先是由Lokman、AK、Ian和COLLAR成員Gao（沈貞巧）輪流上場展示溜冰實力，不過Ian和Lokman在場上卻先後跌低，Ian更需要人扶起身。接受訪問時，AK和Lokman都取笑Ian是在「花式綁鞋帶」，Ian就解釋︰「首先降低大家嘅期望值先啦，同埋我好耐冇著呢對鞋，磨咗刀片，磨完之後就唔知佢好鋒利，Click住咗咁，所以刨吓冰就好啲喇，跟住就冇事啦！」

冰上火花 Lokman、Ian和AK一齊接受訪問。 — Lokman、Ian和AK一齊接受訪問。（圖片來源：東方新地）

冰上火花 Ian在場上一度跌低。 — Ian在場上一度跌低。（圖片來源：東方新地）

冰上火花之後被阿Will扶起身。 — 之後被阿Will扶起身。（圖片來源：東方新地）

拍劇盡量拒用替身腳踭位被磨甩皮

AK指拍完劇後已有一排無玩冰球，大家都生疏了少少，Lokman亦話因為太耐無落過冰面，所以第一下有少少緊張，不過他指大家的裝備很硬淨，所以就算跌低都無人會受傷。Ian續稱拍攝時都盡可能不用替身：「除非時間好趕急，導演話唔得啦，冇時間畀你再試，咁樣先用替身。所以嗰段時間大家都累積咗好多經驗，都進步咗好多。」而講到拍攝有冇受傷，AK就話未去到大受傷，但因為冰鞋不夠合腳，所以腳踭位置出現了甩皮的狀況。

冰上火花 Ian、Lokman和AK一齊接受訪問。 — Ian透露今次破了新紀錄，連踩40小時工作，早上要做團的工作，又要拍MV，之後再接住夜晚。（圖片來源：東方新地）

因心臟問題冇得坐熱氣球

而講到去澳洲拍MIRROR團綜時，Ian冇份坐氫氣球，他解釋是因為有心臟健康問題，只能在地面坐住車目送隊友去坐熱氣球，AK笑言當時在能收到的高度下，都有FaceTime和拍照讓Ian「睇咗當上咗」。Ian又指小時候心臟問題比較嚴重，但長大開始做運動後，病況已改善了不少，但如果長時間工作仍會見頭暈，也不能玩一些高空活動和刺激性的機動遊戲。

冰上火花姜濤指今次團綜有人喊，三子就異口同聲話冇，AK更指依家大個仔好少在大家面前喊，只會躲起來偷偷地飲泣。 — 姜濤指今次團綜有人喊，三子就異口同聲話冇，AK更指依家大個仔好少在大家面前喊，只會躲起來偷偷地飲泣。（圖片來源：YouTube@東方新地 Oriental Sunday）

戴3對耳塞都頂唔住AK噪音

AK又指行程中有兩日跟Ian同屋住，但未去到同房，並即時狂問Ian：「開唔開心呀？你睇佢幾開心，又有人煮飯你食！」Ian只回答他一句「呀！」又補充：「我帶咗3對耳塞，有用過，都頂唔住（佢啲噪音），但係OK嘅，慣㗎啦，都5年啦！」AK即時反駁指有一晚Ian都有份夜瞓：「所以（佢瞓唔著）唔關我事㗎！」

冰上火花 Ian透露今次破了新紀錄，連踩40小時工作，早上要做團的工作，又要拍MV，之後再接住夜晚。 — 首次唱劇集主題曲的Ian，表示今次錄歌時比較趕急，但出來效果都OK，令他既期待又緊張。（圖片來源：ViuTV）

AK講Fan Club內訌問題：有人就有是非

此外提到MIRROR隊友Alton（王智德）和Edan（呂爵安）的Fan Club相繼解散，AK就表示平日也有與自己的Fan Club聯絡，亦有關心Alton和Edan，但不敢問得太深入，要待他們去解決：「其他人屋企嘅事，我哋唔方便討論，清官難審家庭事。」問到可會留意Fan Club發生內訌的問題？他回答：「我覺得辦公室政治，有人就有是非，愈多人自然愈多意見，我覺得正常嘅，最緊要搵到大家舒服嘅方法處去解決。」

冰上火花 AK話清官難審家庭事，所以唔方便回答有關Alton同Edan的Fan Club問題。 — AK話清官難審家庭事，所以唔方便回答有關Alton同Edan的Fan Club問題。（圖片來源：東方新地）

冰上火花 AK指香港未拍過冰球運動劇，可觀性應該唔錯，但他已完成晒他的責任，收視要交畀大家。 — AK指香港未拍過冰球運動劇，可觀性應該唔錯，但他已完成晒他的責任，收視要交畀大家。（圖片來源：ViuTV）

熱身賽兩隊同波衫無聲進行

除了MIRROR三子同Gao上場展示溜冰實力外，記者會上還有一場熱身賽，由柯煒林（Will）、張芷澄（Christie）、朱鑑然（Kevin）、林家熙（Locker）一隊，對戰黃奕晨（Dixon）、郭爾君（Alma）、王智騫（Martin）、黃溢濠一隊，不過由於8人都著同款波衫，全程亦無旁述，令網民睇直播時怨聲載道。

冰上火花左起：柯煒林Will）、林家熙Locker）、黃奕晨Dixon）、張芷澄Christie）、王智騫Martin）、黃溢濠、朱鑑然Kevin）、郭爾君Alma）同屬火花隊，但戴上頭盔後分成兩小隊比賽，網民都分唔清邊個打邊個。 — 左起：柯煒林（Will）、林家熙（Locker）、黃奕晨（Dixon）、張芷澄（Christie）、王智騫（Martin）、黃溢濠、朱鑑然（Kevin）、郭爾君（Alma）同屬火花隊，但戴上頭盔後分成兩小隊比賽，網民都分唔清邊個打邊個。（圖片來源：東方新地）

網民投訴：完全唔知做緊乜

全程約6分鐘的熱身賽全程近乎無聲進行，網民紛紛投訴：「係咪弱智，兩隊著同一件衫」、「笠件反光背心都好吖，又冇旁述完全唔知做緊乜」、「唔單止係deadair，係觀眾唔知睇緊咩」、「求其講吓搞吓氣紛都好掛」、「在場係咪冇人識講波？」、「教練唔宣佈，我真係唔知邊隊贏」等，最後賽事由由阿Will一隊勝出，比數係3比0。