再續《城寨英雄》動作經典 《 同盟 》今晚首播
《 同盟 》今晚首播
《 同盟 》被指是《城寨英雄》的現代版，用上同樣嘅監製、動作指導班底，加上大量槍戰、爆破場面，相信一定好刺激！另外同樣係煎pang、定欣呢個配搭，兩劇嘅班底確實相似。不過，最重要都係套劇好唔好睇啫！TVB動作劇口碑一向唔錯，學監製咁話：「當然希望收視比《城寨》更好啦」！
延伸閱讀：
進軍飲食界 唐詩詠 王浩信 一拍即合開cafe
藐同性做咪霸 劉佩玥 麥明詩直播開火
老戲骨鮑起靜今次做令氏集團主席令熊，由創業到守業都自己一腳踢，期間樹立好多敵人，為咗保護自己親生兒子，即陳展鵬（煎pang）嘅安全，鮑姐送咗個仔去台灣，並隱藏自己身分。當煎pang番到香港，唔明白親母點解細個要送佢走而憎恨鮑姐，鮑姐只可以忍住啖氣。鮑姐同時分飾煎pang喺台灣生活時嘅養母薇姨。
今次煎pang飾演嘅高子杰係一名衝浪教練，佢一直唔知道自己係令氏家族嘅大少，熱愛體育運動嘅佢鐘意玩極限運動，除咗教衝浪，亦同阿姨一齊喺台灣打理民宿。之後，因為鮑姐生意上嘅仇家搵到去台灣，煎pang受襲時意外發現自己身世，其後回歸香港，鮑姐想個仔避世都唔得。
胡定欣飾演嘅阮清欣本身係一個流浪客，父母雙亡後練出一身好武功，機緣巧合下被煎pang收留做衝浪助教。佢喺煎pang被追殺時救咗佢，之後對方返香港時，佢亦跟埋去做保鏢。二人因為朝夕相見，日生情愫，不過定欣怕自己被情感掩蓋理性，生怕自己連心愛嘅煎pang都保護唔到，變得進退失據。
陳山聰飾演令千佑，做鮑姐嘅養子，因為天資聰敏、成熟穩重，長大後擔任集團顧問律師，並成為鮑姐工作上嘅得力助手。陳山聰對姚子羚飾演嘅集團公關部主管韋以柔一見鍾情，雖然將姚子羚追到手，但姚子羚父親係令氏集團生意上嘅對手，二人成為磨心，感情路面對重重波瀾。二人首次拍擋，型男配索女，唔知陳山聰、姚子羚會唔會因此被熱捧為螢幕情侶呢？
第一集 (08/07)
高子杰（陳展鵬飾）生長於台灣，被開設民宿薇姨（鮑起靜分飾）撫養成人。子杰踏單車時遇上阮清欣（胡定欣飾）向他挑釁，子杰奮起狂追之際，看見朋友向毒犯買毒品一幕。子杰見清欣弄傷了腳踝便帶她回民宿，薇姨熱情款待，更答應她可留下來幫忙。稍後時間的香港，毅民黨正進行慈善籌款晚會，令熊（鮑起靜飾）到場致辭支持柳澤成（鄭子誠飾）主席，引起韋磊（郭鋒飾）不滿。有記者質問集團在背後販毒，令熊之後召開集團會議，欲找出誰人違反集團規則。同一時間，令熊的兒子千佑（陳山聰飾）正對付集團內的販毒分子。千佑成功保住集團聲譽，再通知令熊的保鑣易兆風（歐瑞偉飾）有關販毒主謀是誰。令熊的弟弟令烈（張國強飾）表示希望參與新界東發展地產業務，令熊默不作聲，可是令烈的二姊令熹（韓馬利飾）則認為令烈已有數個未能完成的項目，令熊不滿二人爭執。翌日的台灣，薇姨突然察覺到有人包圍民宿；薇姨突然將刀摘向清欣的方向，而清欣亦同時拔出手槍指向薇姨。同一時間在香港，令熊亦遭人伏擊。
