延伸閱讀︰

《城寨》張頴康登場 拳佬牙佬反目成仇

拆解《城寨英雄》8大謎團

唔急拍拖

新地：新 伍允龍：伍

新：同劉佩玥嘅緋聞係真定假？
伍：阿Moon係非常好嘅女仔，拍《城寨英雄》成日都見面，變咗好朋友，做朋友有時出去食吓飯、見吓面好正常。

新：你依家感情狀況係點？
伍：我依家single。
新：想要咩類型女朋友？
伍：對我好，哈哈哈！老土啲講，依家focus事業先，我嘅工作排到出年，想拍拖都冇時間。同埋我到呢個階段，認識嘅女仔唔係玩玩吓，真係想發展，但發展要時間㗎嘛！但我連識人都冇時間，都係focus工作先！
新：你老友安志杰結婚生女，你急唔急？
伍：我冇急過，佢生咗女咪好囉，我可以同佢個女玩住先！

早前接拍荷李活電影《龍之誕生》演李小龍，「啲待遇好勁，有凳、有Food Truck，廿四小時都有餐廳級嘅食物，可惜我要keep fit唔食得，而且時間過分足夠，可以重複拍好多次。」

地下情保私隱

新：同鍾嘉欣好襯，點解分手？
伍：呢啲我唔會講得太清楚，總之依家大家都係朋友，佢嘅私人嘢我唔講太多，自己嘅私人嘢亦唔講太多，做藝人所有emotion都俾晒人睇，保留番少少私隱都應該。

新：仲有聯絡？
伍：有！
新：你有祝福佢？
伍：有，大家朋友嚟㗎嘛！
新：佢真係一個好女仔！
伍：我真係一個好男人！哈哈哈！
新：你哋暗撻咗8年，拍拖出街都要前後腳，咪好辛苦囉！
伍：我覺得亞洲娛樂圈文化有啲怪，女仔唔俾拍拖，男仔又唔俾拍拖，我覺得呢個文化，係要俾觀眾覺得有希望，其實我諗今時今日唔係好興呢啲，呢啲假象唔使再做，我自己個人想保密，唔係因為形象問題，而係想保持私隱。

全文完