全部毛孩都係領養！｜黃日華 全家出動帶貓睇醫生
撰文：東方新地｜圖片：新傳媒圖片庫、黃芷晴IG
黃日華 去年八哥去世
一向係愛寵之人，不過養過貓狗都知，生老病死亦係無可避免。繼去年9月黃日華領養回家、養足六年的八哥去世後，日前隻短毛貓亦都身體不適要睇獸醫，由黃日華專車護送過海睇醫生、老婆梁潔華同囡囡黃芷晴親自護駕。
睇足一個鐘醫生，黃日華就憂心仲仲、乸埋口面成個鐘，終於等到隻寶貝貓睇完醫生，黃日華嗱嗱聲問清問楚囡囡醫生點講、然後目不轉睛望實囡囡擺番隻貓上車個樣，隔住個mon都見到呢家人有幾錫屋企啲毛孩！
一雙關注的眼神、一個深鎖愁爆的眉頭，黃日華呢個樣，之唔係睇住隻寶貝貓身體不適要睇醫生囉。
自己做司機、老婆囡囡就負責護駕，一家三口送貓睇獸醫，等到見完醫生，黃日華即刻向女兒黃芷晴了解情況。
原來唔止兩父女，同行還有太太梁潔華，絕對為咗一隻貓全家都要出動。
貓貓睇足一個鐘醫生，黃日華為咗睇住架車，喺外面就煙駁煙擔心足一個鐘。
黃日華一家愛寵物，而且每次都係領養嘅，曾經收養一隻體弱多病又年老已十歲嘅古代牧羊犬，早幾年過身，去年九月又輪到八哥因病離世，依家屋企只剩一隻5歲嘅古代牧羊犬同一隻短毛貓。
屋企除咗狗，仲有呢隻短毛貓，一家人當佢仔咁錫！
黃日華囡囡芷晴，早前為慶祝5歲嘅古代牧羊犬生日，親自整狗狗食得嘅蛋糕！
腿:朕五歲啦!!! 又有黃奴才整既homemade蛋糕食，真係爽皮! #bolobaking #全部都食得除左糖皮 #不過腿都好乖慢慢等 #happybirthday
wongadrian 黃芷晴（@wongadrian）分享的貼文 於 張貼
最中意你好似一舊肥肉咁自己攤上我隻腳度痴住我一齊響梳化hea, 呀肥，你做咩走得咁突然，唔等埋我地起身先走😭😭😭 rip my baby 好開心你四歲時我地收養左你，同你有咁多年既緣份，下世番黎繼續做我地既朋友一齊吃喝玩樂! 😢
wongadrian 黃芷晴（@wongadrian）分享的貼文 於 張貼
