全民造星4｜20強名單出爐 方方、子涓決賽前止步 網民竟然非一面倒祝賀？
文：東方新地｜圖：ViuTV提供圖片、Facebook@ViuTV、《全民造星4》截圖、藝人IG、連登截圖
相關文章：全民造星4｜JER柳應廷被指搭上「翻版朱茵」Alice 正印女友嬲爆結束5年情
即睇《全民造星4》20強晉級和淘汰名單
「Jer組」得213.2分，晉級成員包括有：Gao、Alice
（方方、阿蛋、子涓被淘汰）
「DEE組」得236.6分，成員包括有：Day、So Ching、Ariel
（馬欣、Kinki被淘汰）
「AK組」得248分，全員晉級，成員包括有：芯駖、CK、Marf、Ivy So、穎蕎
「肥仔組」得294.4分，全員晉級，成員包括有：Candy、暐翹、Winka、Yoyo、Tengie
「Lokman組」得316.2分全員晉級，成員包括有：榛綦、Ada仔、VAL、Win Win、超酸
重溫第五輪最後一個表演-阿Jer對團員超貼心-全場最低分
「Jer組」作為第五輪淘汰賽最後一個表演，壓力故然突然高，因為她們的表演將會決定哪一組需要淘汰組員。在準備表演時，阿Jer非常用心，除了親自教授唱歌技巧，連道具都跟到足，極度體貼！可惜最後判評唔多BUY，花姐更狠批表演太貪心，令整個表演太過忙碌，嚴重影響觀賞值。
花姐狠批：唔想再睇你哋
花姐講評時表示內心好掙扎：「我經常同評判講『你唔好理明唔明，表演好睇就得』，但我內心好掙扎，係因為你哋好似想表達一啲嘢，但我冇完全明白，令我懷疑呢個意思同你哋表演係咪相符，我覺得有啲位演得過咗火，好似夾硬話你知『我係咁』！」而唱歌方面，花姐亦表示唔收貨：「sorry呀，我唔enjoy，我聽到你哋啲假音位，或分開唔同層次聲音，嗰種重疊，你哋平衡唔到，令我好煩擾，唔想再睇你哋表演，同埋有樣嘢最扣分，亦令你哋唔能夠完全投入，就係你哋太忙，喺個表演入面，又要綁繩，又要轉道具，又要轉屏風，又要記走位，作為觀眾，我擔心你能唔能夠趕得及，多過投入睇你哋表演。」講到明挑戰自己態度好但不能太貪心。
阿Jer喊到收唔到聲：我覺得好唔公平
為隊員勞心勞力的阿Jer對於表演分數太低而大感不滿，其它導師例如Lokman、阿Dee等亦認為分數未至於如此低，最起碼不比連番失誤導致最低分的「Dee組」差。在鏡頭面前哭成淚人的阿Jer大呻：「我覺得唔公平囉！」花姐則表示：「比賽從來唔公平，你嗰陣時（全民造星）參賽好公平咩？你第一回合畀人淘汰咗啦！公平咩？」
方方、子涓被淘汰並非全民祝賀
其實方方和子涓由一開始就已經被不少網民針對，甚至之前為女團改名的活動，網民亦以諷刺方方和子涓的方向去發揮創意。然而到方方和子涓終於被淘汰，網民的意見又並非一面倒，例如網民會戥評分唔公平，唔應該低分過嚴重失準嘅「Dee組」，更揶揄最後的賽果是「全民造馬」等等，亦有人心戥同組的阿旦唔抵。
