全民造星4｜COLLAR團名及隊徽曝光 網民質疑「仿效」MIRROR向韓團致敬

撰文：東方新地 圖片：IG截圖、連登討論區

相關閱讀：全民造星4｜8人女團成軍名單流出 35歲芯駖入團捱轟 謝安琪燈走兩大熱門

ViuTV已經註冊商標

今日（30日）在連登討論區有網民以「Viu女團名字流出？已私下註冊商標」為題發起討論，更供出多張「HK Televison」註冊商標的截圖，除了名字為「COLLAR」之外，就連Logo都註冊埋，與MIRROR一樣是白底黑圖。而另一方面網民亦在IG找到兩個疑似是「COLLAR」的IG專頁，除了名之外，簡介上亦寫住「Stay tune greatness awaits（等待偉大的時刻）」，雖然暫時仲未有任何貼文，但粉絲數已經破千，而且正在直線上升中！

仲發現ViuTV偷偷哋註冊埋「獎門人」

「獎門人系列」是TVB的經典綜藝節目，由「獎門人」曾志偉主持，而家間唔中都會喺大時大節重播等電視觀眾一齊笑吓！但今次在發挖女團團名嘅同時，網民無意中仲發現到ViuTV竟然註冊咗「獎門人」做商標。不過記者翻查知識產權署網站後發現，「獎門人」的確被ViuTV「已註冊」。

網民唔多滿意

雖然消息未有證實，不過網民對「COLLAR」以及其Logo似乎就唔多滿意，更加將「COLLAR」直譯做「衫領」，笑言她們的開場白是「大家好，我哋係領女」（MIRROR被稱為鏡仔）。而且覺得Logo太過簡陋唔美觀，仲狠批有一陣「抄襲」嘅味道。其實當年MIRROR嘅隊徽抄BTS防彈少年團，所以今次都不禁再有網友問「今次抄邊個KPOP團」。

有消息指除Marf、Gao、Day外，WINKA（陳泳伽）、芯駖、So Ching（蘇芷晴）、Candy（王家晴）、Ivy So（蘇雅琳）都順利入團。

《全民造星4》FAQ

Q： 《全民造星4》女團成員何時揭曉？

A： 《全民造星4》女團成員將於2022年1月揭曉，總決賽三甲直入女團，其他入圍成員及團名按此看詳情； 至於「5大星級評」判，除了李嘉欣，仲有以下幾位⋯⋯按此看詳情

Q：《全民造星4》冠軍參賽者Marf有幾利害？

《全民造星4》大熱門19歲Marf的IG Followers由最初幾千人一躍到現時接近16萬，因為髮型關係曾經有「翻版炎明熹」之稱，但出場之後跳唱演技都有令人深刻印象，她的原名是⋯⋯詳見全民造星4｜大熱門19歲Marf穩入女團 曾與姜濤拍廣告 為家人朋友放膽一博

Q： 《全民造星4》今屆女團經理人阿Wing是誰？

節目監製花姐經常在節目中搶晒風頭，但到今屆曾表示要「退下火線」，力捧新女團經理人Wing戴穎上位，被稱為「新花姐」。而其實這位「新花姐」來頭唔小，而且同MIRROR亦好有淵源！詳見：經理人阿Wing戴穎起底