《全民造星3》名師出冠軍 花姐斟掂梁祖堯做《全民造星4》導師
撰文：東方新地 圖片：梁祖堯FB圖片、花姐IG圖片、林二汶IG圖片、東星圖片
《全民造星3》出鏡率最高客席導師
今次《全民造星3》的節目中見梁祖堯(祖祖)老是常出現，他全力協助林二汶所屬的A組，每次排練都非常肉緊，正式比賽錄影時更親身在場指導與支持，憑他的舞台經驗與知識，注入不少藝術元素，令A組如虎添翼，而《全民造星3》三甲中的Ben與陳葦璇都是A組成員，故總決賽當晚場看到自己組的仔女攞獎，梁祖堯顯得特別激動。
教冠軍行路教足幾個通宵
賽後梁祖堯接受訪問，講到「阿仔」Ben奪冠感觸到秒速眼濕，他認為Ben是參賽者中進步最多，亦令他最為驚喜的一個，他邊講邊難掩興奮心情，聲言全部都是真心話不是節目效果，並說好滿意整個節目與賽果，因為Ben從來都是他心裡面的那忽肉，他的表演項目《想念》是梁祖堯花了很多個通宵教Ben行路，因為他跳舞出身，不知道怎樣行才是感性，最後由這個仔攞埋冠軍，梁祖堯覺得好驕傲，還表示他們的關係已不是朋友，是家人。
《全民造星3》眾人媽媽
梁祖堯坦言好想Ben成為冠軍，雖然他並非主流喜歡的偶像，但在觀眾投票中他得票最高成就這個賽果，亦即是代表香港觀眾已經進化，新世代來臨，梁祖堯為此非常感動。梁祖堯又謂前一晚總綵排已覺不捨，並覺得自己的位置最好，他不是導師，只是客席導師，是他們的「媽媽」，他的出現是負責錫大家，愛大家！
唔想同二汶分家
據知《全民造星3》有口碑亦大受廣告客戶歡迎，明年勢必再搞《全民造星4》，監製花姐已被追問何時開始籌備，她笑說：「畀我唞一唞先，未開始工作mode。」不過梁祖堯早已收到花姐誠邀做《全民造星4》導師，不過他有條件，就是不想與林二汶做對手，因為今次他負責協助二汶，建立起感情與默契，參賽者更叫二汶做「爸爸」，對於明年做《全民造星4》導師，梁祖堯直認不諱仲表現好興奮：「花姐係有問我下年想唔想做導師？當然想啦！但就唔想同二汶做對手，我唔離婚呀！我唔要我哋個家散呀！哈哈！我想保住我頭家，唔知一齊得唔得？」有梁祖堯幫手，《全民造星4》肯定有睇頭啦！
